Manchester United ka arritur një marrëveshje për transferimin e parë të verës, sipas raporteve.
‘Djajtë e Kuq’ janë në një pozicion të fortë për t’u rikthyer në Ligën e Kampionëve sezonin e ardhshëm, dhe tashmë ka lajme për një ardhje të re te United kur nis stërvitja para-sezoni.
Sipas Manchester Evening News, United ka një marrëveshje fillestare për të sjellë mesfushorin kolumbian defanziv, Cristian Orozco.
Për shkak se ai është vetëm 17 vjeç, Orozoco nuk mund të largohet zyrtarisht nga klubi aktual Fortaleza CEIF deri sa të mbushë 18 vjeç. Ai arrin këtë moshë më 13 korrik, kur do të jetë i kualifikuar për të nënshkruar me 13 herë fituesit e Ligës Premier.
Megjithatë, United është gjithashtu i etur për të sjellë lojtarë të gatshëm që mund të integrohen menjëherë në ekipin e parë. Raporti shton se klubi do të jetë shumë aktiv në afatin kalimtar, me një mbrojtës të majtë, një sulmues krahu të majtë dhe dy mesfushorë qendrorë në krye të listës së prioritetit.
Emri i Elliott Anderson vazhdon të lidhet me United pas paraqitjeve të tij brilante për Nottingham Forest dhe Anglinë, ku pritet të startojë në Kupën e Botës 2026.
Ai thuhet se vlerësohet rreth 80 milionë euro, dhe kjo shifër mund të rritet pas turneut. Anderson ka deklaruar se nuk po mendon për të ardhmen e tij.
Gjithashtu, dy lojtarët e Newcastle, Sandro Tonali dhe Bruno Guimaraes, janë përfolur për transferim.
Në një lëvizje surprizë, thuhet se Myles Leëis-Skelly i Arsenal po ndiqet nga United.
19-vjeçari pati një sezon fantastik në 2024/25, duke dhuruar një performancë të shkëlqyer kundër Real Madrid në Bernabeu dhe duke shënuar në debutimin e tij me Anglinë.
