Kurti priti organizatat ndërkombëtare të gazetarëve: Kosova ka media pluraliste

Kryeministri i Kosovës, Albin Kurti, priti sot drejtues dhe përfaqësues të organizatave ndërkombëtare të gazetarëve dhe mediave, përfshirë Reporterët Pa Kufij (RSF), Asociacionin e Gazetarëve Evropian (AEJ), Federatën Evropiane të Gazetarëve (EFJ), Unioni i Transmetuesve Evropian (EBU), si dhe institucionet tjera ndërkombëtare për lirinë e shtypit.

Gjatë takimit, kryeministri Kurti theksoi rëndësinë thelbësore të lirisë së medias.

▶ Lexo edhe këtë nga Nacionale

Kush është polici i arrestuar dhe kolegët e tij të dyshuar në rastin e pakove me cigare në vlerë 30 mijë euro Inspektorati Policor i Kosovës (IPK) ka kërkuar suspendim të përkohshëm për 72 orë ndaj 5 zyrtarëve policorë: Fatmir...

“Kosova ka një mjedis mediatik të larmishëm dhe pluralist, ku liria e shprehjes jo vetëm që mbrohet, por edhe ushtrohet – përfshirë nëpërmjet kritikës ndaj qeverisë”, tha Kurti.

Ai gjithashtu vuri në pah shqetësimet për mungesën e transparencës së pronësisë së mediave dhe ndikimin e interesave korporative, duke nënvizuar nevojën për një mjedis mediatik të qëndrueshëm dhe të pavarur.

Pas diskutimeve, kryeministri Kurti falënderoi përfaqësuesit e organizatave për vizitën dhe dialogun, duke shprehur gatishmërinë e Qeverisë së Kosovës për bashkëpunim të vazhdueshëm me komunitetin ndërkombëtar të medias. /Telegrafi/