Kosova U19 mposhtë Turqinë, bëjnë hapin e radhës drejt Kampionatit Evropian

Kombëtarja e Kosovës U19 ka shënuar fitore të madhe ndaj Turqisë U19 me rezultat 3-1.

Dardanët e udhëhequr nga ish-sulmuesi Albert Bunjaku kanë triumfuar 3-1 në kualifikimet për Kampionatin Evropian dhe kanë kaluar nga Liga B në Ligën A.

Vetëm pas tetë minutave lojë, Rin Ahmeti shënoi nga penalltia për 1-0.

▶ Lexo edhe këtë nga Sport

“Nuk ka fjalë që ta përshkruajmë këtë emocion”, Lumbardh Dellova pas triumfit ndaj Sllovakisë Qendërmbrojtësi Lumbardh Dellova është shprehur shumë i lumtur me fitoren ndaj Sllovakisë dhe kalimin në finale të playoff-it...

Në minutën e 20-të, talenti tjetër i Prishtinës, Lorik Mehmeti realizoi për 2-0.

Turqit u rikthyen në lojë në pjesën e dytë, kur Demirbag realizoi në minutën e 51-të për 2-1.

Përkundër se vendasit kërkonin golin e barazimit, në fund doli në skenë Leon Gabrica që realizoi për 3-1.

Kosova i mbyllë këto kualifikime pas tre ndeshjeve në pozitën e parë me shtatë pikë, e ndjekur nga Armenia me 5 në pozitën e dytë.

Dardanët e rinj do të vazhdojnë ta ndjekin kualifikimin për në Evropian nga Liga A. /Telegrafi/