ujanoci.net vë në dukje se shumë institucione dhe organizata që veprojnë në komunën e Bujanocit vazhdojnë të dërgojnë komunikata dhe email-e vetëm në gjuhën serbe, edhe kur ato janë të destinuara për publikun shqiptar.
Sipas dispozitave ligjore:
Ligji për përdorimin zyrtar të gjuhëve dhe alfabetit (Zakon o službenoj upotrebi jezika i pisama, Neni 1)
Ligji për mbrojtjen e të drejtave dhe lirive të pakicave kombëtare (Zakon o zaštiti prava i sloboda nacionalnih manjina, Neni 11, paragrafi 2)
Kushtetuta e Republikës së Serbisë, Neni 10
…gjuha shqipe duhet të përdoret si gjuhë zyrtare në institucionet lokale dhe në komunikimin me publikun shqiptar.
Ky fakt është i dokumentuar nga screenshot-et e ruajtura të email-eve, që tregojnë se komunikimi me publikun shqiptar ende nuk është i përputhur me ligjin, edhe kur bëhet nga organizata ndërkombëtare dhe institucione lokale.
Bujanoci.net bën thirrje që të gjitha institucionet dhe organizatat të respektojnë ligjet për dygjuhësinë dhe të sigurojnë që informacioni dhe komunikimi me publikun shqiptar të jenë gjithmonë të aksesueshme në gjuhën shqipe, në përputhje me dispozitat ligjore.
Ky raport bazohet në fakte të dokumentuara dhe nenet ligjore të Kushtetutës dhe ligjeve përkatëse, dhe synon të informojë publikun mbi situatën reale të respektimit të dygjuhësisë në Bujanoc, pa akuzuar individë apo duke cituar emra specifikë./Bujanoci.Net/
(Për informim të komunitetit dhe transparencë në raportimin e shkeljeve ligjore)
Screnshoot i E-mailit bujanocinet@live.com
