Klubi i kushton vëmendje të veçantë Vedat Muriqit: Nga Mallorca deri në Prishtinë, rrugëtimi i Piratit

Skuadra spanjolle RCD Mallorca ka vazhduar t’i kushtojë vëmendje të veçantë sulmuesit të saj kryesor, Vedat Muriqi, duke publikuar një tjetër material emocional për rrugëtimin e tij me Kosovën.

Pas udhëtimit në Bratislavë për të ndjekur nga afër ndeshjen gjysmëfinale ndaj Sllovakisë, gazetari i klubit spanjoll ishte i pranishëm edhe në Prishtinë për finalen e play-offit kundër Turqisë.

▶ Lexo edhe këtë nga Sport

Fitorja e Kosovës bën jehonë të madhe në Spanjë, gazeta Marca i kushton artikull të veçantë Mediumi i njohur spanjoll Marca i ka kushtuar vëmendje të veçantë suksesit historik të Kosova, pas fitores dramatike...

“Nga Mallorca në Prishtinë për ta shoqëruar Vedat Muriqin në ditën e veçantë”, ka shkruar klubi në postimin e publikuar të mërkurën.

Në videon rreth tre minuta, Mallorca ka sjellë pamje nga kryeqyteti i Kosovës, atmosfera në stadiumin Fadil Vokrri, si dhe momente të veçanta nga karriera e Muriqit me Kombëtaren e Kosovës.

Videoja përfshin gjithashtu aksione nga ndeshja finale e play-offit, ku Kosova u mposht 1-0 nga Turqia.

Muriqi ishte kapiten i Kosovës në dy ndeshjet e fundit, duke marrë përgjegjësinë në mungesë të Amir Rrahmani, i cili mungoi për shkak të lëndimit. /Telegrafi/