Hoffenheim përgëzon yjet e Kosovës përmes një postimi

Kosova ka shënuar një fitore të rëndësishme në udhëtim, duke mposhtur Sllovakinë me rezultat spektakolar 3-4, në një ndeshje të mbushur me emocione dhe ritëm të lartë.

Golat për Kosovën në këtë sfidë i realizuan Veldin Hoxha, Fisnik Asllani, Florent Muslija dhe Kreshnik Hajrizi.

▶ Lexo edhe këtë nga Sport

“I kemi ndjekur live ndeshjet e tij”, Franco Foda komenton vendimin e Bujar Pllanës për t’u larguar nga Kosova për t’iu bashkuar Shqipërisë Përzgjedhësi i Kosovës Franco Foda thotë se e kanë shikuar nga afër Bujar Pllanën, por i ka uruar...

Klubi gjerman Hoffenheim ka reaguar në rrjetet sociale pas fitores historike të Kombëtares së Kosovës, duke shprehur mbështetje dhe krenari për tre futbollistët e saj: Fisnik Asllani, Albian Hajdari dhe Leon Avdullahu.

Në një postim në Facebook, Hoffenheim vlerësoi kontributin e lojtarëve pas arritjes së Kosovës në finalen e “playoff”-it, duke theksuar rolin vendimtar të Asllanit në këtë sukses.

“Fisi e dërgon Kosovën në finalen e playoff-it. Urime Fis, Albi dhe Leon”.

Ky reagim i klubit gjerman tregon mbështetjen dhe vlerësimin për lojtarët e tyre, të cilët po japin kontribut të rëndësishëm në sukseset e fundit të Kosovës në arenën ndërkombëtare. /Telegrafi/