Ermal Krasniqi vazhdon shkëlqimin në Turqi, realizon gol të bukur ndaj Eyupsporit

Ermal Krasniqi ka realizuar një gol të bukur në ndeshjen ndaj Eyupsporit, duke vazhduar paraqitjet e mira me fanellën e Amedsporit në futbollin turk.

Mbrojtësi i djathtë shqiptar mori një top në krahun e djathtë, kaloi me shumë stil një kundërshtar dhe, kur të gjithë prisnin një harkim në zonë, vendosi të godiste fuqishëm me këmbën e majtë, duke e dërguar topin në rrjetë për rezultatin 1-0.

Lexo edhe nga Sport

Alexia Putellas fiton Topin e Artë për Femra 2026 Alexia Putellas është shpallur fituese e Topit të Artë për Femra 2026. Futbollistja e Barcelonës dhe e Përfaqësueses...

Me këtë realizim, Krasniqi numëron një gol dhe dy asistime në këtë sezon, duke qenë një prej futbollistëve të rëndësishëm të skuadrës nga Diyarbakiri.

GOL | Amed SK 1-0 Eyüpspor⚽️ 13′ Krasniqi https://t.co/heHV6DYfJy
— HaberLog (@LogHaber) November 1, 2026

Krasniqi dhe Lumbardh Dellova janë përshtatur mjaft mirë te Amedspori, ku po luajnë nën drejtimin e trajnerit Besnik Hasi.

Dy futbollistët shqiptarë janë bërë pjesë e rëndësishme e skuadrës, e cila po synon të luftojë për pozitat më të larta në kampionat.

Në rast se arrin ta fitojë ndeshjen ndaj Eyupsporit, Amedspori do të ngjitet në vendin e dytë të tabelës me 23 pikë, vetëm dy më pak se lideri Galatasaray. /Telegrafi/