Dhimbja e fytit mund të jetë bakteriale, virale apo më rrallë parazitare. Analizat mikrobiologjike ndihmojnë në diagnozë të saktë, shmangin përdorimin e panevojshëm të antibiotikëve dhe parandalojnë komplikimet
Diagnoza mikrobiologjike mundëson trajtim në kohë dhe shmang përdorimin e panevojshëm të antibiotikëve, sidomos gjatë sezonit të gripit dhe COVID-19.
Shkaktari bakterial më i shpeshtë është Streptococcus pyogenes, i cili kërkon diagnostikim dhe trajtim të hershëm për të parandaluar komplikimet.
Dhimbja e fytit është një nga simptomat më të shpeshta të infeksioneve të rrugëve të sipërme të frymëmarrjes. Ajo mund të ketë origjinë bakteriale, virale, më rrallë parazitare. Diagnostikimi i saktë dhe në kohë është thelbësor për të zgjedhur terapinë e duhur dhe për të shmangur përdorimin e panevojshëm të antibiotikëve, i cili mbetet një problem serioz në praktikën klinike, transmeton Telegrafi.
Streptokoku (Streptococcus pyogenes – streptokok beta-hemolitik i grupit A)
Streptokoku është shkaktari më i rëndësishëm bakterial i dhimbjes së fytit. Infeksioni zakonisht fillon papritur, me temperaturë të lartë, dhimbje gjatë gëlltitjes, skuqje të fytit dhe shpesh me shtresa të bardha në bajame. Mungesa e kollës dhe dhimbjet e forta gjatë gëlltitjes janë elemente që e bëjnë më të dyshimtë për etiologji bakteriale.
Zbulimi i hershëm është shumë i rëndësishëm, sepse trajtimi adekuat parandalon komplikime si ethet reumatizmale, glomerulonefriti dhe përhapja e infeksionit.
Ky virus shkakton mononukleozën infektive, e cila karakterizohet nga dhimbje e zgjatur e fytit, zmadhim i nyjeve limfatike, temperaturë dhe lodhje e theksuar. Shpesh mund të shoqërohet edhe me zmadhim të shpretkës dhe mëlçisë.
Adenovirusi është shkaktar i shpeshtë i infeksioneve virale të fytit, veçanërisht te fëmijët. Karakteristikë është shoqërimi me konjuktivit (skuqje e syve), temperaturë dhe simptoma të përgjithshme të infeksionit respirator.
CMV mund të shkaktojë një tablo klinike të ngjashme me mononukleozën, me dhimbje fyti, lodhje dhe temperaturë. Zakonisht ka ecuri më të lehtë, por mund të jetë i rëndësishëm te pacientët me imunitet të dobësuar.
Një shkaktar më i rrallë i dhimbjes së fytit, por që mund të japë simptoma të ngjashme me infeksionet virale, përfshirë lodhje dhe zmadhim të nyjeve limfatike.
Kur duhet bërë analiza për dhimbjen e fytit
Analizat mikrobiologjike rekomandohen kur janë të pranishme:
Në praktikë klinike, këto kritere shpesh ndihmojnë për të diferencuar infeksionet bakteriale nga ato virale dhe për të vendosur nevojën për testim.
Në institucionet shëndetësore përdoret kombinimi i metodave klasike mikrobiologjike dhe analizave moderne molekulare (PCR), për të siguruar diagnozë të saktë dhe orientim të drejtë të trajtimit.
Gjatë sezonit të infeksioneve respiratore, veçanërisht në periudhat me rritje të gripit dhe COVID-19, rekomandohen edhe:
Këto analiza zakonisht realizohen me metodën PCR dhe ndihmojnë në diferencimin e shkaqeve të dhimbjes së fytit në kontekst epidemiologjik. /Telegrafi/
