AC Milani ka pësuar disfatë të madhe në shtëpi nga Bologna, në kuadër të xhiros së nëntë në Serie A.
Skuadra italiane edhe pse ishte në epërsi s’arriti t’i bëjë ballë ekipit mysafir, me epilogun përfundimtar që doli të jetë 2-4.
Bologna kaloi herët në epërsi falë Samuel Mbanugla, që shënoi në portën e zbrazur pas asistimit të Zorteas (8’).
Mirëpo, vetëm gjashtë minuta më vonë Alphajdo përfitoi nga një gabim në mbrojtje për të barazuar (14’).
I njëjti e përmbysi epërsinë duke u gjendur në vendin e duhur pas asistimit të Fikayo Tomorit (27’).
Sidoqoftë, Bologna në pjesën e dytë shfaqi fytyrë krejtësisht tjetër. Davide Bartesaghi shënoi autogol në përpjekje për ta larguar topin, duke e dërguar brenda rrjetës (60’).
Ndërsa, ishte Samuel Mbangula që e shokoi Milanin dy minuta më vonë pas asistimit të Juan Mirandas (62’).
I njëjti e vulosi fitoren pas asistimit të Jens Odgaard (86’).
Pas kësaj humbje, Milani zë pozitën e pestë me 18 pikë ndërsa Bologna zë pozitën e 11-të me 11 sosh./Telegrafi/
