Arrestohet një nga të arratisurit më të rrezikshëm të Italisë

Një bos i mafias i kërkuar për vrasje është arrestuar në një vilë luksoze në Bregun e Amalfit pas më shumë se një viti në arrati, ka njoftuar policia italiane.

Në një deklaratë, forca policore ushtarake e karabinierëve të Italisë tha se Roberto Mazzarella ishte arratisur janarin e kaluar, kur supozohej se ishte arrestuar për akuzat për vrasje, shkruan BBC.

▶ Lexo edhe këtë nga Bota

Sauditët gjetën një portë shpëtimi për një pjesë të naftës botërore, por rrezikohet që houthit mund ta mbyllin atë me forcë Bota, e etur për naftë, mori një lehtësim modest në fillim të këtij muaji kur Arabia Saudite filloi...

48-vjeçari, i arrestuar në qytetin Vietri sul Mare, konsiderohet një figurë e fuqishme brenda grupit të krimit të organizuar Camorra në Napoli dhe është i listuar si një nga të arratisurit më të rrezikshëm të Italisë.

Policia tha se Mazzarella ishte me gruan dhe dy fëmijët e tij në kohën e arrestimit dhe nuk i rezistoi.

Sipas agjencisë italiane të lajmeve Ansa, ai jetonte në pronë me një emër të rremë.

Policia gjeti gjithashtu tre ora luksoze, rreth 20,000 euro, disa dokumente të falsifikuara dhe telefona celularë në vendpushim. /Telegrafi/