AGK shpreh ngushëllime për vdekjen e gazetares, Shukran Nobërdali-Qyqallës

Asociacioni i Gazetarëve të Kosovës (AGK) ka njoftuar me pikëllim të thellë ndarjen nga jeta të gazetares së njohur të RTK-së, Shukran Nobërdali-Qyqalla.

Sipas AGK-së, Shukran kishte qenë pjesë e RTK-së që nga themelimi i saj në vitin 1999 dhe kishte kontribuar për dekada në redaksinë informative si gazetare dhe autore e emisionit shëndetësor “Medika”, i cili u realizua me përkushtim për më shumë se dy dekada.

▶ Lexo edhe këtë nga Nacionale

Haxhiu bën ndryshimin e parë si u.d. presidente, i ndërron emrin faqes së Presidencës në Facebook – por i shpëton një detaj Pas marrjes së detyrës si ushtruese e detyrës së Presidentes së Kosovës, Albulena Haxhiu ka bërë ndryshimin e...

“Asociacioni i Gazetarëve të Kosovës i shpreh ngushëllimet më të sinqerta familjes, kolegëve, miqve dhe të gjithë atyre që e njohën dhe vlerësuan punën e saj”, thuhet në njoftimin e AGK-së.

Varrimi i të ndjerës do të bëhet nesër (e enjte) në ora 13:00, në varrezat e qytetit në Dragodan, Prishtinë. /Telegrafi/