Berat Gjimshiti ka mbyllur një kapitull të rëndësishëm të karrierës së tij dhe ka nisur një aventurë të re në Arabinë Saudite, duke u transferuar te Al Diriyah.
Por, përtej kalimit të tij në futbollin saudit, ajo që ka tërhequr vëmendjen janë shifrat e kontratës që kapiteni i Kombëtares së Shqipërisë pritet të përfitojë në klubin e ri.
Sipas raportimeve, Gjimshiti do të paguhet rreth 4 milionë euro në vit, ndërsa kontrata e tij me Al Diriyah raportohet se është e vlefshme deri në qershor të vitit 2028, shkruan Indeksonline.
Nëse kjo shifër përfaqëson pagën bazë vjetore të mbrojtësit shqiptar, atëherë të ardhurat e tij ndahen përafërsisht në:
Pra, Gjimshiti do të arkëtonte afro 77 mijë euro çdo javë, vetëm nga paga e tij, nëse shifrat e raportuara konfirmohen.
Transferimi në Arabinë Saudite i jep fund një periudhe të gjatë të Gjimshitit te Atalanta, klub me të cilin mbrojtësi shqiptar ndërtoi një pjesë të rëndësishme të karrierës së tij dhe u shndërrua në një prej liderëve të skuadrës.
Për kartonin e tij, Al Diriyah raportohet se ka paguar rreth 3 milionë euro, duke e bërë Gjimshitin një tjetër emër të njohur që i është bashkuar projektit të futbollit saudit.
Nëse kontrata deri në qershor të vitit 2028 përmban pagën e raportuar prej 4 milionë eurosh në sezon, Gjimshiti do të përfitojë rreth 8 milionë euro vetëm nga paga gjatë dy viteve të ardhshme, pa përfshirë bonuset, shpërblimet apo përfitimet e tjera që mund të parashikohen në kontratë./Telegrafi/
