Jovanovski: Pasojat e krizës do të jenë afatgjata, do të ndryshojë mënyra se si jetojmë

Ekonomisti Zoran Jovanovski tha se kriza që po vjen nuk do të jetë afatshkurtër, pasi ajo do të ndryshojë mënyrën se si jetojmë.

Përveç rritjes së çmimeve, është e mundur edhe kufizimi i disponueshmërisë së karburanteve, gjë që hap hapësirë për masa si vozitja tek-çift dhe orientimi i burimeve drejt prodhimit të ushqimit.

Këtë e theksoi Jovanovski në paraqitjen e djeshme në emisionin “Tema e Ditës”, në lajmet e Sitel.

▶ Lexo edhe këtë nga Rajon

Shpallet konkursi për regjistrim në shkollat e mesme në Maqedoninë e Veriut Ministria e Arsimit dhe Shkencës ka bërë të ditur se është shpallur Konkursi për regjistrim në shkollat e...

Ai potencoi se të gjithë duhet ta kuptojmë që pasojat e krizës do të jenë afatgjata.

Përveç rritjes së çmimeve të naftës, mund të bëhet problem edhe vetë disponueshmëria e saj. Ai thotë se, sa më shumë që të jetë e mundur, duhet të kursehet karburanti që kemi aktualisht.

“Ndoshta duhet të mendohet për vozitje tek-çift, të rritet puna nga shtëpia etj., që kur të jetë e nevojshme, karburanti të ridrejtohet drejt bujqësisë për prodhimin e ushqimit”, thotë Jovanovski.

Sipas tij, gjëja më e rëndësishme në këtë moment është që të mos rrezikojmë të ardhmen e gjeneratave të reja, vetëm për të ruajtur komoditetin e të tjerëve.

Ai tha se jeta do të bëhet më e vështirë derisa të zgjasë kriza dhe këtë duhet ta pranojmë.