Një person është vrarë dhe të paktën tre të tjerë janë plagosur rëndë pas një shpërthimi të madh që tronditi Spanjë.
Ngjarja ndodhi në barin La Posada, pranë ringut të demave në Almeria, në jug-lindje të vendit.
Nga raportimet pretendohet se personi i vrarë është një qytetar që po kalonte rastësisht pranë barit kur ndodhi shpërthimi.
Ekipet e emergjencës u nisën menjëherë në vendngjarje ndërsa xhamat e thyer dhe rrënojat mbuluan rrugën.
Disa vetura të parkuara pranë u dëmtuan rëndë nga fuqia e shpërthimit.
Shkaku ende nuk është konfirmuar, por raportet e hershme sugjerojnë se mund të ketë qenë një shpërthim gazi. /Telegrafi/
