Shkoi për të blerë pulë, bleu edhe një biletë lotarie – doli se ishte fitues i 1 milion dollarëve

Një burrë nga Maryland ndaloi në një dyqan ushqimor për të blerë pulë dhe përfundoi duke blerë një biletë lotarie që i fitoi një çmim prej 1 milion dollarësh.

Lojtari tha se së fundmi u ndal në dyqanin Royal Farms në Rock Spring Road në Forest Hill për të blerë pulë dhe, ndërsa shijonte vaktin e tij, vendosi të blinte dy bileta lotarie.

▶ Lexo edhe këtë nga Life/Bizare

Burri nga Indiana mban rekordin botëror për 73 vjet si varrmihës Një burrë nga Indiana, të cilit iu kërkua të zëvendësonte varrmihësin vendas në vitin 1952, tani po del...

Ato bileta i fituan atij gjithsej 50 dollarë, të cilat i përdori për të blerë dy bileta të tjera — duke fituar përsëri 50 dollarë.

Burri tha se u ndie i inkurajuar dhe bleu një biletë tjetër, duke fituar çmimin prej 1 milion dollarësh.

“Në fillim mendova se ishin 1,000 dollarë, por kur shikova më nga afër, kuptova se ishin 1 milion dollarë. Dola nga dyqani duke qeshur dhe me nxitim. Madje lashë edhe ushqimin sepse isha shumë i lumtur. Vrapova drejt veturës për të thirrur fëmijët e mi”, deklaroi burri.

Fituesi tha se paratë e çmimit të tij do të shkojnë për të kursyer për fëmijët e tij. /Telegrafi/