Autoritetet ruse kanë njoftuar se një sulm masiv me dronë ka shënjestruar një ndërmarrje industriale në rajonin e Nizhny Novgorodit gjatë natës, ndërsa raportimet në kanalet e monitorimit të luftës pretendojnë se objektiv ishte një rafineri e rëndësishme e naftës.
Guvernatori rajonal, Gleb Nikitin, bëri të ditur në Telegram se sulmi me dronë ka shkaktuar dëme të konsiderueshme në një objekt industrial në distriktin Kstovsky.
“Janë shkatërruar më shumë se 100 dronë”, shkroi Nikitin, duke shtuar se informacionet fillestare nuk raportojnë për viktima dhe se ekipet emergjente ndodhen në vendin e ngjarjes.
Ai paralajmëroi gjithashtu se, gjatë punimeve për rikthimin e funksionimit të objektit, mund të ketë ndërprerje të përkohshme të energjisë elektrike, si dhe kufizime në furnizimin me ujë të ngrohtë dhe ngrohje në disa zona të banimit.
Ndërkohë, kanalet e monitorimit të luftës në Telegram raportuan se objektiv i sulmit ishte rafineria e naftës në Kstovo, e njohur edhe si rafineria Lukoil-Nizhegorodnefteorgsintez, e konsideruar një nga objektet më të mëdha të këtij lloji në Rusi.
One of Russia’s largest oil refineries was reportedly attacked – the LUKOIL-Nizhegorodnefteorgsintez refinery in Kstovo, Nizhny Novgorod region.The refinery processes around 17 million tonnes of oil annually (~340,000 barrels per day), making it Russia’s fourth-largest by processing capacity.Locals are already reporting lines at gas stations.
— Anton Gerashchenko (@Gerashchenko_en) November 1, 2026
Sipas kompanisë Lukoil, në këtë rafineri prodhohen, ndër të tjera, naftë dizel dhe karburant për aviacionin, transmeton Telegrafi.
Ky incident vjen vetëm pak ditë pas raportimeve për një zjarr të madh në një tjetër rafineri nafte në rajonin rus të Samarës, pas një sulmi me dronë. Pamjet e publikuara në rrjetet sociale tregonin kolona të mëdha tymi të zi që ngriheshin mbi zonë.
Sulmet ndaj infrastrukturës energjetike ruse kanë qenë pjesë e strategjisë së Ukrainës gjatë këtij viti, me objektiva kryesisht rafineritë, terminalet dhe depot e naftës. Kievi synon të godasë një nga sektorët kryesorë të ekonomisë ruse dhe të dobësojë kapacitetet e Moskës për të financuar luftën.
Sulmi i fundit i raportuar vjen në kohën kur presidenti ukrainas, Volodymyr Zelensky, deklaroi se rreth 280 mijë familje në Ukrainë kanë mbetur pa energji elektrike pas sulmeve ruse të së premtes mbrëma.
Last night, Russian “shaheds” struck a combined heat and power plant in Kyiv. In the Dnipro region, four electrical substations were hit in a single night. In the early morning, a Russian drone struck a combined heat and power plant in Shostka. Railway infrastructure in Dnipro and Kharkiv was hit as well. Russia also attacked a gas distribution facility in the Dnipro region.These Russian strikes have created a difficult situation with electricity supplies across our regions. Around 200,000 households in Dnipro and the region are without electricity. Another 80,000-plus households in the Kyiv region are also without power. Repair crews are working to deal with the aftermath of the strikes and doing everything they can to restore electricity supplies.The world sees that Russia is deliberately targeting civilian infrastructure every day. And everyone who does not want to see this Russian escalation spread further into Europe must help Ukraine. Strong steps that will really lead toward peace are needed – sanctions against the aggressor and new support packages for Ukraine. Thank you to everyone who is helping.
— Volodymyr Zelenskyy / Володимир Зеленський (@ZelenskyyUa) October 31, 2026
Në një reagim të publikuar të shtunën në platformën X, Zelensky tha se rreth 200 mijë familje në Dnipro dhe rajonin përreth ishin pa energji, ndërsa të paktën 80 mijë të tjera në rajonin e Kievit po përballeshin me të njëjtin problem.
Sipas tij, forcat ruse kishin goditur një central të kombinuar të prodhimit të energjisë elektrike dhe ngrohjes në Kiev, si dhe katër nënstacione elektrike në rajonin lindor të Dnipros, krahas objektivave të tjera. /Telegrafi/