5-vjeçari nga Lipjani i është nënshtruar me sukses intervenimit kirurgjik në shputa, SHSKUK jep detaje

Klinika e Pediatrisë në kuadër të Shërbimit Spitalor Klinik dhe Universitar të Kosovës (SHSKUK) njofton se pacienti 5-vjeçar, i hospitalizuar në Kujdesin Intensiv Pediatrik, është nënshtruar sot një intervenimi të domosdoshëm kirurgjik në shputa.

Operacioni është kryer nga ekipet specialistike të Ortopedisë dhe Kirurgjisë Plastike.

▶ Lexo edhe këtë nga Nacionale

Leje qëndrim 12 muaj për studentët dhe punëtorët shëndetësorë serbë, Kurti: Asnjë qytetar nuk duhet t’i druhet Ligjit për të huajt Kryeministri i vendit, Albin Kurti pas takimit me Përfaqësuesin Special të Bashkimit Evropian për dialogun, Peter Sorensen ku...

“Intervenimi sapo ka përfunduar dhe është realizuar sipas indikacioneve mjekësore. Gjatë procedurës kirurgjikale, gjendja e pacientit ka qenë stabile,” thuhet në njoftimin e SHSKUK-së.

Pas përfundimit të operacionit, fëmija është rikthyer në Kujdesin Intensiv Pediatrik, ku po vazhdon trajtimi, mbikëqyrja dhe përkujdesja postoperatore.

“Ekipet profesionale shëndetësore janë duke ofruar përkujdesje maksimale dhe trajtimin e nevojshëm në përputhje me protokollet mjekësore. Për këtë arsye, lusim mediat që të kenë mirëkuptim dhe të shmangin presionet për informata shtesë,” apelon Klinika e Pediatrisë.

SHSKUK konfirmon se çdo përditësim mbi gjendjen e pacientit do të bëhet vetëm përmes Zyrës për Informim pranë SHSKUK-së, duke respektuar ndjeshmërinë e rastit dhe privatësinë e pacientit. /Telegrafi/