Ballina Lajme nacionale Zotohet Haradinaj: Askush nuk do të na ndajë, do ta mbrojmë më...

Zotohet Haradinaj: Askush nuk do të na ndajë, do ta mbrojmë më çdo çmim Kosovën

11
SHPËRNDAJE
- Sponsor gjeneral -

Ramush Hardinaj ka reaguar pas deklaratave të mbrëmshme të homologut të tij maqedonas se ende është në tavolinë ideja për shkëmbim me territore e se e njejta ka prapa Rusinë e Turqinë.

Kryeministri i Kosovës, Ramush Haradinaj, prapë thekson se Kosova s’do të ndahet. Paprekshmërinë, sovranitetin e integritetin, thotë se do ta mbrojnë me çdo çmim.

“Të nderuar qytetarë të Republikës së Kosovës. Jemi bashkë dhe jemi të fortë! Askush nuk do të na ndajë. Sovranitetin, integritetin dhe paprekshmërinë e Kosovës, do ta mbrojmë me çdo çmim”,, është postimi i shkurtë i kryeministrit që e bëri në Facebook

Kohëve të fundit përflitet se presidenti i Kosovës Hashim Thaçi ende s’ka hequr dorë nga ideja e tij për shkëmbime territoresh.

Ndërsa sot, Lëvizja Vetëvendosje përmes një konference për media tha se ka përgatitje e plane të fshehta për Republikën e Kosovën, dhe se Thaçi ka plan ndarjen e Kosovës përmes pazareve me Vuçiqin.

Ndërkaq, kujtojmë po ashtu se kryeminsitri maqedonas, Zoran Zaev dëgjohet në një telefonatë duke thënë se me planet e Thaçit e Vuçiqit për shkëmbim territoresh, Kosova do t’ia japë Serbisë 10 komuna.

“Jemi kundër, kjo është një bombë e kurdisur”, thotë Zaevi.

---- ----
-----