Ballina Sport Zbutet UEFA, lejon që kampionatet të pezullohen në raste të veçanta

Zbutet UEFA, lejon që kampionatet të pezullohen në raste të veçanta

17
SHPËRNDAJE
- Sponsor gjeneral -

UEFA duket se ka ndërruar mendje në lidhje me çështjen e përfundimit përpara kohe të kampionateve të ndryshme në Evropë. Drejtuesit tani mendojnë se kampionatet mund të pezullohen në rast se ekzistojnë kushte të veçanta që e bëjnë të pamundur përfundimin e sezonit futbollistik.

----

Në një video konferencë me 55 federatat anëtare të UEFA-s, ndryshoi disi dhe qëndrimi i presidentit Alexander Ceferin, i cili rekomandoi fort që vendet europiane të bëjnë maksimumin që kampionatet respektive të përfundojnë, por ndryshoi qëndrim sa i përket këmbënguljes se mund të ketë edhe përjashtime nga kompeticionet europiane në rast se nuk bëhet diçka e tillë, pasi pranoi se në raste të veçanta, pezullimi i sezonit do të merret parasysh.

Deri në këto momente Eredivisie e Holandës rrezikon të mos rifillojë pasi qeveria në këtë vend ka vendosur që deri me datë 1 shtator të mos zhvillohet asnjë aktivitet futbollistik profesionist, ndërkohë që Belgjika kishte deklaruar më parë mbylljen e sezonit futbollistik. Gjithsesi drejtuesit e Federatës belge janë të hapur për bisedime me UEFA-n, që mund të mbahen këtë të premte kur të qartësohet pozicioni zyrtar i qeverisë së futbollit evropian.

----- ----