Ballina Sport Zbërthehet Igli Tare: E vështirë të refuzoja Milanin, krenar të kontribuoj në...

Zbërthehet Igli Tare: E vështirë të refuzoja Milanin, krenar të kontribuoj në futbollin shqiptar

37
SHPËRNDAJE
- Sponsor gjeneral -

Drejtori i Lacios, Igli Tare ka folur ditën e sotme në emisionin Wake Up në Top Channel, teksa prek tema nga Çmimi i tij i fundit në Itali, te oferta e Milanit që sipas tij ishte shumë e vështirë ta refuzonte dhe më pas kombëtarja në fazë tranzicioni.

Ndër të tjera, Tare thekson se do të ishte krenari të kontribuonte në futbollin shqiptar.

Çmimi i fundit, “Luani i Artë”- “Është kënaqësi kur puna vlerësihet, e rëndësishme është t’I japim vazhdimësië. Por, tashmë kërkesat janë gjithnjë më të larta. Të them të drejtën nuk e prisja, pasi është një vlerësim I madh, një titull ndërkombëtar. Kur më kontaktuan për ta marrë u habita dhe e pieta si kisha fituar unë. Ishte diçka që më mbushi me gëzim, kur e kthej kokën mbrapa më kujtojnë momentet e vështira, sakrifica dhe në fund mendon se ia vlen”.

Emrat që e kanë fituar më parë- “Është viti i parë që fitohet nga bota e sportit seopse I jepete festivalit të filmit të Venecias. Ishte viti I parë që e zgjeronin si çmim dhe unë isha i pari nga bota e futbollit, së bashku me trajnerin e Atalantës dhe drejtorin e Interit, Marrota”.

Është i rëndësishëm një çmim i tillë? “Është stimul që të jem në rrugën e duhur. Pritshmëritë janë shumë të mëdha. Është motivuese dhe duhet të kënaqesh pritshmëritë e njerëzve, tifozëve duke parë edhe mundësitë që ne kemi”.

Lacio- “Sezonin e kaluar para pandemisë ishim kandidatë kryesorë për të fituar titullin. Po kalojmë një periudhë tranzitore, jo vetëm ne por gjithë futbolli europian. Mundohemi të jemi të kujdesshëm, në mënyrën e organizimit.Çdo ditë konktatet me botën e jashtme mundohemi t’I kemi sa më të kufizuara, është një situatë jo e lehtë.

Në këtë sezon është rikonfirmimi i Lacios në Champions, do jetë e vështirë. Nuk e mendoj më gjatë, sepse duhet menduar afatshkurtër dhe jo afatgjatë”. Tifoz me Milanin? “Fëmijëria ime është e lidhur me Milanin e holandezëve, Sakit. Kam qenë tifosh në moshë të re, ndeshjen e parë të Serisë A e kam bërë kundër Milanit.

Oferta e Milanit ka qenë para dy sezoneve nga ana e Maldinit, por lidhja ime me Lacion del jashtë marrëdhënies normale, sepse kam shumë vite aty. Është një lidhje që lindi në mënyrë të papritur, si dashuria që sa vjen dhe shtohet. E kisha të vështirë të refuzoja Milanin”.

Ana financiare është e rëndësishme, por bota e futbollit është e lidhur shumë me emocionet. Titulli maestro i blerjeve, goditja e radhës? “Kemi bërë një merkato, është një ritual që përsëritet me tifozët tanë që janë të pakënaqur sepse nuk e kuptojnë rëndësinë e bërjës së gjërave. Duhen gjetur lojtarët me karakteristika dhe mentalitetin e duhur, por edhe me anën financiare të duhur”.

Futbolli shqiptar- “Ndjek çdo gjë në lidhje me futbollin shqiptar, edhe Kosovën edhe Maqedoninë”. Të punosh me kombëtaren, ke pasur ofertë? “Kam pasur disa herë dhe jo njëherë. Për mua është krenari të kontribuoj për të mirën e futbollit shqiptar. Jo vetëm unë, por ka edhe shumë të tjerë që punojnë dhe nuk kanë atë shikueshmërinë time. Unë i ndjek dhe kam kontakte që mund të japin kontribut. Fëmijërinë time e kam të lidhur me Partizanin, është klubi i jetës se çdo gjë e kishim të lidhur me atë. Por, edhe me Flamurtarin që kam qenë tifoz në kohën e Flamurtarit të artë”.

Bojkoti- “Më pëlqen të rri jashtë kësaj bisede, është momenti i duhur që politika duhet të japë. Bojkoti nuk është rruga e duhur, sepse shumë mirë mund të gjenin edhe një marrëveshje me qeverinë për të mirën e sportit. Edhe në Europë klubet janë paraqitur mirë dhe sa më shumë vonohen aq më keq. Duhet të vijnë pikat mbi “i” të dyja palët”.

Trajneri Reja po sulmohet? “Nuk më interesojnë njerëzit që flasin për diçka pas dhe asnjëherë para. Ndërrimi i gjeneratave është i vështirë. Unë e njoh mirë Rejën dhe ka një eksperiencë të madhe. Ndërrimi i gjeneratave është i domosdoshëm, ata që luajtën me Kazakistanin do na përfaqësojnë. Duhet të jenë të gjithë në një mendje. Topi është për të gjithë dhe futbolli është për pak njerëz, sepse nuk e njohin njësoj të gjithë dhe ka shumë vështirësi. Të gjithë duhet ta kuptojnë se është një fazë tranzicioni dhe duhet të jemi objektiv”.

Djali i madh që luan me Lacion, pritshmëritë- “Kam dy djem dhe janë aktiv të dy. I madhi është me Primaverën dhe i vogli me ekipet e moshave. Por, jam i kujdesshëm sepse presioni ia vështirëson punën. Mundohem të jap këshillat e duhura, por e le me gabimet dhe pa gabime. Nuk duhet bërë medoemos një futbollist ”, u shpreh Tare.

---- ----
----
----- ----
-----