Ballina Lajme nacionale Zaev: Në vijim është zbatimi i Planit të veprimit për programe dhe...

Zaev: Në vijim është zbatimi i Planit të veprimit për programe dhe masa aktive për punësim, do të përfshihen 10.279 persona

14
SHPËRNDAJE
- Sponsor gjeneral -

Shkup, 12 mars – Në vijim është zbatimi i Planit të veprimit për programe dhe masa aktive për punësim dhe shërbime për tregun e punës për vitin 2021, i cili sivjet arrin 1,5 miliardë denarë dhe me të do të përfshihen 10.279 persona, publikoi kryeministri Zoran Zaevi në profilin e tij në Fejsbuk.

“Qëllimi është të sigurohen vende pune veçanërisht për më të rinjtë, të papunët afatgjatë dhe personat të cilët marrin ndihmë sociale, por dhe t’u ndihmohet të gjithëve të cilët kanë humbur vendet e tyre të punës për shkak të pandemisë”, thekson Zaevi në publikim.

Ai potencoi se thirrjet publike janë në vijim, përmes të cilave punëdhënësit dhe personat e papunë mund të aplikojnë për programet dhe masat për punësim.

“Krijojmë zhvillim rajonal të barabartë dhe inkluziv, masat ekonomike janë drejtuar për shpëtim të çdo vendi pune. Plani i veprimit është krijuar në pajtim me nevojat e personave të papunë dhe të sipërmarrësve”, shton Zaevi në publikimin në Fejsbuk.

The post Zaev: Në vijim është zbatimi i Planit të veprimit për programe dhe masa aktive për punësim, do të përfshihen 10.279 persona appeared first on KOHA.

---- ----
-----