Ballina Lajme nacionale Ymeri kërkon që shteti ta hetojë procesin e rekrutimit të noterëve të...

Ymeri kërkon që shteti ta hetojë procesin e rekrutimit të noterëve të rinj

8
SHPËRNDAJE

Visar Ymeri ka kërkon që shteti ta hetojë procesin e rekrutimit të noterëve të rinj.

Deputeti i Kuvendit të Kosovës nga radhët e Partisë Socialdemokrate, Visar Ymeri, ka bërë thirrje që procesi i rekrutimit të noterëve të rinj të hetohet nga shteti dhe të vlerësohet nga partnerët zviceran

Ymeri ka shkruar në Facebook se procesi i rekrutimit të noterëve të rinj që organizohet nga Ministria e Drejtësisë duhet të hetohet nga organet përgjegjëse të Republikës së Kosovës dhe të vlerësohet nga partnerët e Ambasadës së Zvicrës të cilët kanë merita për ndërtimin e sistemit noterial në Kosovë.

“Procesi i tanishëm i rekrutimit të noterëve të rinj ka prirje ta komprometojë sistemin e noterisë që u ndërtua me kredibilitet të brendshëm dhe të jashtëm, kryesisht falë ekspertëve zviceran të Institutit për Studime të Larta Noteriale (I-H-N)”, ka shkruar Ymeri

Ymeri tutje thotë se sistemi i noterisë duhet të jetë i pavarur politikisht dhe ky është një kusht që i shërben shtetit të së drejtës.

“Pavarësia politike e sistemit të noterisë është parakusht për garantimin e një sistemi funksional dhe bashkëkohor noterial që i shërben shtetit të së drejtës, përforcimit të aparatit gjyqësor dhe konsolidimit të shtetësisë së Republikës së Kosovës”, thekson Ymeri.

Vendimi i Ministrisë së Drejtësisë për rekrutimin e noterëve të rinj ka ngjallur kritika pasi aty janë gjetur keqpërdorime dhe punësime partiake.

-----