Ballina Lajme Bota/Rajoni Vrasja në makinë e afro-amerikanit, jep dorëheqjen shefja e policisë

Vrasja në makinë e afro-amerikanit, jep dorëheqjen shefja e policisë

28
SHPËRNDAJE
- Sponsor gjeneral -

Shefja e Policisë së Atlantës ka dhënë dorëheqjen pas të shtënave fatale mbi një  afrikano-amerikan i cili kishte rënë në gjumë në makinën e tij në një restorant ku merret ushqimi me vete. Rayshard Brooks, 27 vjeç, u qëllua nga një oficer policie gjatë një përplasjeje mes tyre të premten në mbrëmje.

Vdekja e Brooks ndezi zemëratën e banorëve, në mesin e një situate të tensionuar tashmë nga episodi i George Floyd. Protestuesit në Atlanta dolën në rrugë këtë fundjavë duke bërë thirrje për veprim pas asaj që ndodhi me 27 vjecarin.

----

Të shtunën, turmat bllokuan një austostradë kryesore, ndërsa restorantit Wendy`s jashtë të cilit vdiq Brooks, iu vu flaka. Erika Shields kishte qenë shefe policie që nga 2016-ta dhe punonte në këtë department prej 20 vjetësh.

Kryetarja e bashkisë, Keysha Lance Bottoms tha se Shields dëshironte që Atlanta të jetë një shembull për reformat e vërteta dhe sesi duhet të duken ato në mbarë vendin, ndaj vendosi ta jepte menjëherë dorëheqjen, në mënyrë që të rikrijohet me urgjencë besimi aq i nevojitur në komunitetet e prekura. Bottoms gjithashtu kërkoi pezullimin e menjëhershëm të policit të përfshirë në vdekjen e Brooks.

Të riun e kishte zënë gjumi në makinën e tij, e cila kishte bllokuar rrugën e automjeteve të tjera dhe pronarët kishin thirrur policinë. I zgjuar prej saj e ndoshta I trembur, ai u përpoq të largohej dhe u përlesh me dy policë. Njërit arriti t`i merrte pistoletën Taser , dhe ia drejtoi efektivëve. Në këtë moment, u qëllua për vdekje.

Avokati që përfaqëson familjen e tij tha se oficerët e dinin shumë mirë me cfarë po përballeshin, me një Taser e cila nuk është vdekjeprurëse. “ Policët duhet të qëllojnë vetëm kur dikush ka drejtuar një armë të vërtetë drejt tyre”, tha ai.

----- ----