Ballina Lajme nacionale Votimi i qeverisë Hoti/ Raportuesja për Kosovën në PE: Deputetëve iu bë...

Votimi i qeverisë Hoti/ Raportuesja për Kosovën në PE: Deputetëve iu bë presion

23
SHPËRNDAJE
- Sponsor gjeneral -

Raportuesja për Kosovën në Parlamentin Europian, Viola von Cramon-Taubadel, e mirëpriti votimin e qeverisë së re të Kosovës, me kryeministër Avdullah Hotin, por ajo ngriti shqetësimin se deputetëve në parlament iu bë presion.

----

Në një deklaratë për media, ajo ka thënë se shpreson që qeveria e re do të mund të zbatojë reforma të reja dhe të “punojë për një Kosovë më të mirë”. Megjithatë, Cramon-Taubadel u shpreh se deputetët e Kuvendit të Kosovës kanë qenë “nën presion të madh” nga udhëheqësia e Lidhjes Demokratike të Kosovës dhe presidenti Hashim Thaçi për të votuar pro qeverisë së re.

“Disa burime thanë se presidenti ka vizituar personalisht disa deputetë të kuvendit, pa votat e të cilëve nuk do të mund të zgjidhej qeveria. Nëse këto pretendime janë të vërteta, ky është një sinjal i keq që tregon se roli i parlamentit është minuar, e që një gjë e tillë është e garantuar edhe me Kushtetutë. Si një pjesëtare e parlamentit, për mua është e papranueshme që anëtarëve të parlamentit, të zgjedhur në mënyrë demokratike, t’iu bëhet presion”, ka deklaruar ajo, duke shtuar se është bazë e demokracisë që deputetët të votojnë në bazë të vullnetit dhe ndërgjegjes së tyre.

Gjatë seancës së Kuvendit të Kosovës, ku është votuar për qeverinë e re, deputeti i Nismës Socialdemokrate, Haxhi Shala deklaroi se ai ka ndryshuar mendimin për ta votuar qeverinë, pasi një natë më parë kishte takuar presidentin e Kosovës, Hashim Thaçin dhe kryetarin e Aleancës për Ardhmërinë e Kosovës, Ramush Haradinaj. Qeverinë Hoti u votua me 61 vota dhe pikërisht vota e deputetit Shala u konsiderua vendimtare për krijimin e ekzekutivit të ri.

----- ----