Ballina Lajme nacionale Vjosa Osmani nga Mitrovica: Kosova s’i përket asnjë partie, ajo është vetëm...

Vjosa Osmani nga Mitrovica: Kosova s’i përket asnjë partie, ajo është vetëm e qytetarëve

14
SHPËRNDAJE
- Sponsor gjeneral -

Vjosa Osmani ka nisur fushatën në qytetin e saj, Mitrovicën.

Kandidatja për kryeministre nga radhët e Lidhjes Demokratike të Kosovës, Vjosa Osmani, përmes një shkrimi në rrjetin social Facebook, ka treguar se rrugëtimin e ka filluar nga qyteti i Mitrovicës për të vazhduar në qytetet tjera të Kosovës.

----

“Mitrovicë, qyteti im i dashtun, po kthehem sot tek ti, për të nisur nga këtu një rrugëtim me zemrën plot, me dashurinë për Kosovën, njerëzit e saj dhe miqtë tanë, dashuri e respekt që e kam marrë e kultivu pikërisht këtu” shkroi Osmani në Facebook.

Ajo shkroi gjithashtu se shumë persona e mbajnë në mend kur ka qenë fëmijë, e me shumë të tjerë ishin bashkë-udhëtar në rrugën drejt Lirisë, Pavarësisë dhe Demokracisë.

“Shumë nga ju, aktivistë shumëvjeçar të Lidhjes Demokratike, më mbani mend si fëmijë, e shumë nga ju të rinj e të reja si bashkë-udhëtare në rrugën e pandalshme të Lirisë, Pavarësisë dhe Demokracisë, të cilën e trasuan edhe secili nga prindërit tanë, për ta bërë Republikën tonë, të fëmijëve të tyre, e nipërve e mbesave tona, një shtet me të cilin secili do të krenohemi. Asnjëherë me mashtrim, por gjithmonë me vetmohim.” shtoi ajo.

Ajo ndër tjera tha se Kosova nuk i përket asnjë partie politike, as LDK’së e as Vjosa Osmanit, për Kosova është vetëm e qytetarëve.

“Ky shtet nuk është i asnjë politikani, i asnjë partie politike, as i Vjosa Osmanit, as i LDK-së. Mitrovica, Kosova është e juaja. Vetëm e juaja” shkroi ajo.

Postimi i plotë i Vjosa Osmanit:

Mitrovicë, qyteti im i dashtun, po kthehem sot tek ti, për të nisur nga këtu një rrugëtim me zemrën plot, me dashurinë për Kosovën, njerëzit e saj dhe miqtë tanë, dashuri e respekt që e kam marrë e kultivu pikërisht këtu.

Shumë nga ju, aktivistë shumëvjeqar të Lidhjes Demokratike, më mbani mend si fëmijë, e shumë nga ju të rinj e të reja si bashkë-udhëtare në rrugën e pandalshme të Lirisë, Pavarësisë dhe Demokracisë, të cilën e trasuan edhe secili nga prindërit tanë, për ta bërë Republikën tonë, të fëmijëve të tyre, e nipërve e mbesave tona, një shtet me të cilin secili do të krenohemi. Asnjëherë me mashtrim, por gjithmonë me vetmohim.

Nuk ka qenë rrugë e lehtë, andaj shumëkush u dorëzua përgjatë rrugës.

Por, të dashur bashkëvendës të mi,

Qëndrestarët e vërtetë janë sot këtu. Në mesin tuaj. Janë çdo ditë krah për krah me mua. Qëndrestarët e vërtetë jeni ju. Janë qytetarët e Kosovës, është ky popull që sakrifikoi gjithçka, nga fëmiu në djep e ushtarët e lirisë deri në djersën e mundin e secilit prind e gjysh tonin, qëndrestarë të vërtetë janë minatorët, dhe qe 20 vjet, si këmbim, morëm mjerimin dhe zhvatjen.

Sot, jam këtu, sic e thashë në fillim, që t’u drejtohem juve, bashkqytetarëve të mi të qytetit të harruar, grave e burrave, të rinjve e të rejave, minatorëve, të gjithë atyre që e ndjenë veten se u harruan nga Qeveria e kaluar, sepse nuk kishin kohë të merreshin me juve, por e bënin kokrrën e qejfit për veten e tyre – Ky vend, ky shtet, kjo Republikë, është e qytetarëve dhe PIKË.

Ky shtet nuk është i asnjë politikani, i asnjë partie politike, as i Vjosa Osmanit, as i LDK-së. Mitrovica, Kosova është e juaja. Vetëm e juaja.

Prandaj, i kam hyrë kësaj rruge me nderin e madh, me besimin e plotë, që si Kryeministre e Juaja, por, edhe në emër të Lidhjes Demokratike të Kosovës, ta kemi një detyrë kryesore: që shtetin e kapur nga partitë e pushtetit, t’ua kthejmë juve, përfundimisht. Dhe, mbajeni në mend: Nuk ka asgjë në botë, veç vdekjes, që na e ndalë këtë rrugëtim.

Edhe miqtë tanë duan që Kosova të drejtohet nga politikanë të ndershëm, kredibil dhe të cilët Kosovën tonë e duan po aq sa secili qytetar i këtij vendi. Nuk e duan për veten e tyre, por për të mirën e juaj. Dhe, ju e dini që kjo është e mundshme, vetëm nëse e bëjmë ndryshimin e madh.

Ndryshim të cilin e bëjmë BASHKË. Unë kam bindjen dhe besimin e plotë se kësaj radhe ju do të dini si do t’i jepni drejtim të ardhmes së fëmijëve tuaj. Kujt do t’ia besoni ndërtimin e kësaj të ardhmeje. Unë kam besim të plotë në ju dhe e di që ju keni besimin e plotë në mua.

Unë, Vjosa Osmani, bija juaj, nuk do t’ju lë vetëm asnjëherë.

----- ----