Ballina Lajme Bota/Rajoni Vietnami shënon rastin e parë me COVID-19 pas… 89 ditësh

Vietnami shënon rastin e parë me COVID-19 pas… 89 ditësh

24
SHPËRNDAJE
- Sponsor gjeneral -

Vietnami ka konfirmuar të hënën rastin e parë lokal me koronavirus pas afër tre muajsh, pas infektimit të kontaktit të një personi me një stjuardesë, që kishte dalë pozitiv pas kthimit nga Japonia dy javë më parë.

Ministri i Shëndetësisë, Nguyen Thanh Long, ka urdhëruar provincat dhe agjencitë shtetërore të shtrëngojnë kontrollet dhe kontaktet, pas konfirmimit të 32-vjeçarit si rast i parë i infektimit nga kontakti brenda vendit në 89 ditë.

Me karantinë strikte dhe masa gjurmuese, Vietnami ka mundur të ndalojë përhapjen e virusit, duke lejuar që të rikthehen aktivitetet ekonomike më herët se Azia, raporton Reuters.

Vietnami kishte mundur valën e parë të COVID-19 në prill dhe kishte shkuar në afër 100 ditë pa asnjë rast pozitiv lokal, deri kur të infektuar kishin dalë në qytetin Danang në korrik.

Autoritetet thanë se personi që rezultoi pozitiv kishte dhënë mësim në një qendër të gjuhëve dhe kishte qenë në kafe dhe bare që nga ekspozimi i tij ndaj stjuardesës. Ato vende janë mbyllur që atëherë.

Vietnami deri tani ka regjistruar 1,347 raste me koronavirus, 655 prej tyre thuhet se kanë ardhur nga jashtë.

---- ----
----
-----
-----