Ballina Lajme nacionale Vetura të shtrenjta, prona e banesa, kjo është pasuria e Prokurorëve të...

Vetura të shtrenjta, prona e banesa, kjo është pasuria e Prokurorëve të kosovës

28
SHPËRNDAJE

Edhe Prokurorët e Prokurorisë së Shtetit kanë bërë deklarimin e pasurisë në Agjencinë Kundër korrupsionit.

Shumë prej tyre, nga deklarimet që i kanë bërë në AKK, shihet se janë merak në vetura të shtrenjta, e madje i posedojnë edhe më shumë se dy të tilla, shkruan lajmi.

Prokurori Bajram Kryeziu, në Kundër Korrupsion ka deklaruar katër vetura. Tri prej tyre thotë t’i ketë blerë, ndërkaq që një prej tyre e ka deklaruar si dhuratë nga vëllai.

Vlera e tyre sillet nga 3 mijë euro, deri tek më e shtrenjta tip “Mercedes” që kushton hiç më pak se 15 mijë euro.

Kryeziu nuk i ka punët keq as me paga. Përveq që merr mbi 1 mijë e 800 euro pagë si prokuror, edhe katër fëmijët e tij janë në marrëdhënie pune.

Arben Kadriu – Prona, shtëpi e banesa.

Punët hiç më keq nuk i ka as prokurori Arben Kadriu. Në emër të tij janë katër banesa, me sipërfaqe deri në 130 metra katrorë.

Ai në pronësi ka edhe shtatë garazha, vlera e të cilave është llogaritur deri në 35 mijë euro.

Por këtu nuk përfundojnë të mirat material për prokurorin Kadriu. Ai merr katër qira nga lokalet dhe banesat, e shuma e të cilave në muaj arrin gati në 1 mijë e 300 euro.

Përveq kësaj, Kadriu merr edhe pagën e rregullt si prokuror.

Megjithë këto pasuri ai në bankë ka deklaruar vetëm 6 mijë e 300 euro në bankë.

Zenulla Gashi – Veturë të shtrenjtë, prona e objekt.

Prokurori Zenulla Gashi në deklarimin e tij të pasurisë ka lënë të kuptohet se është fanatik i veturave luksoze.

Veturën, tipin e së cilës nuk e ka specifikuar, Gashi e ka blerë për hiç më pak se 27 mijë euro, të cilën e ka blerë me kredi.

Në pronësi të përbashkët ai ka edhe truall, prona e objekt, vlera e të cilave arrin deri në 500 mijë euro.

Ai ka deklaruar edhe mjaft të hyra, ku përveq pagës si prokuror, merr edhe qera mujore, shtesa dhe rimbursim nga shteti gjerman.

-----