Ballina Sport VENDIMET: Grushtat në Bylis-Laçi, ja sa javë dënohen “boksierët” Carkanji e Nuabueze

VENDIMET: Grushtat në Bylis-Laçi, ja sa javë dënohen “boksierët” Carkanji e Nuabueze

26
SHPËRNDAJE
- Sponsor gjeneral -
Ashtu siç edhe pritej, sot pasdite Komisioni i Disiplinës u mblodh dhe vendosi të marrë në shqyrtim ngjarjet e javës, e sidomos takimin Bylis-Laçi, kun ë minutën e 57-të pati një sherr ku protagonist u bë Nuabueze i Laçit e më pas edhe Carkanji i Bylisit.

Komisioni i Disiplinës ka dënuar me nga dhjetë javë të dy lojtarët, ndërsa me nëntë javë është dënuar doktori i skuadrës së Bylisit. Ndërkohë që në ligat e tjera është nisur një hetim për ndeshjen e Kategroisë së Dytë, Bulqiza-Tërbuni, me këta të fundit që pretendojnë se bulqizakët kanë ativizuar lojtarë në mënyrë të parregullt dhe pukjanët duan 3 pikët në tavolinë.

Ja vendimet e Komisionit të Disiplinës…

Lojtari i KF Laçi, Nëabueze Kyrian Chinazorm, për sulm ndaj kundërshtarëve, në bazë të nenit 47/1/e të KDS, dënohet me 10 (dhjetë) ndeshje pezullim nga aktiviteti.

Lojtari i KF Bylis, Xhoi Carkanji, për sulm ndaj kundërshtarëve, në bazë të nenit 47/1/e të KDS, dënohet me 10 (dhjetë) ndeshje pezullim nga aktiviteti.

Zyrtari i KF Bylis, Ermal Hasimaj, për sulm ndaj kundërshtarëve, në bazë të nenit 47/2/b të KDS, dënohet me 9 (nëntë) ndeshje pezullim nga aktiviteti.

Shkëndija C.T U-19, për dështim në zhvillimin e ndeshjes së vlefshme për Kampionatin Kombëtar të Kategorisë së Parë U-19 Grupi A, kundër KS Korabi, në bazë të nenit 30.1 të Rregullores së Veprimtarisë Futbollistike, humbet ndeshjen në tavolinë me rezultatin 3-0.

Çeljen e hetimit disiplinor për ndeshjen e Kampionatit të Kategorisë së Dytë midis F.C Bulqiza dhe FK Tërbuni. Urdhërohet Sektori i Garave pranë FSHF për kryerjen e verifikimeve të nevojshme.

Rrëzimin e kërkesës së KF Sopoti, në lidhje me lojtarin Orgest Tanushi, si të pabazuar në Kodin e Disiplinës Sportive.

---- ----
----
----- ----
-----