Ballina Lajme Bota/Rajoni Variantet e reja pushtojnë Europën Lindore, shtohen masat kufizuese

Variantet e reja pushtojnë Europën Lindore, shtohen masat kufizuese

28
SHPËRNDAJE
- Sponsor gjeneral -
Vendet e Europës Lindore janë duke u përballur me për një rritje të shpejte të rasteve me Covid-19 për shkak të përhapjes së varianteve të reja. Numri i pacientëve COVID-19 në Sllovaki ka arritur një rekord të ri, ndërkohë që vendet e rajonit kanë mbëtur prapa me vaksinimin si dhe gjurmimin e varianteve të reja.

Republika Çeke, Hungaria, Polonia dhe Sllovakia, të cilat u goditën rëndë edhe kur vala e dytë e pandemisë u shpalos në të gjithë kontinentin e vjetër, njoftuan kufizime të reja për të vënë nën kontroll përhapjen e mutacionit “anglez” dhe atij të Afrikës së Jugut.

Republika Çeke

Qeveria shtrëngoi masat të premten pasi një rritjeje të variantit britanik, i cili është 70% më i transmetueshëm.

Një rihapje e planifikuar e dyqaneve jo shumë të domosdoshme është shtyrë për javën e ardhshme, ndërsa përdorimi i maskave tekstile në vendet ku mblidhen një numër i madh personash, duke përfshirë dyqanet, spitalet dhe transportin publik, nuk lejohet më. Në vend të kësaj, do të kërkohen maska ​​të shkallës mjekësore, frymëmarrëse sigurie ose dy maska ​​kirurgjikale.

Disa spitale në Çeki kanë qenë në një situatë kritike dhe u duhet të transportojnë pacientë COVID-19 në klinika të tjera në të gjithë vendin. Numri i pacientëve që kanë nevojë për kujdes intensiv ishte në një rekord të lartë, mbi 1,200 këtë javë.

Tre qarqet më të goditura, në kufirin me Gjermaninë dhe Poloninë, janë nën një bllokim të plotë. Numri i infeksioneve të reja për 100,000 banorë në shtatë ditët e fundit ka rreth 1,000.

Qeveria do të diskutojë këtë fundjavë nëse do të shtrijë bllokimin e plotë në më shumë qarqe.

Gjithashtu po planifikon që testet COVID-19 të jenë të detyrueshme për të gjithë punonjësit që nuk punojnë nga shtëpitë e tyre.

Sllovakia

Këtë javë, Sllovakia u bë vendi me më shumë vdekje nga COVID-19 për nga madhësia e popullsisë në botë mes një rritjeje të variantit britanik. Numri i pacientëve me COVID-19 në spitalet e Sllovakisë arriti një rekord të ri të lartë prej 3,900 të enjten, një situatë që i ka shtyrë udhëheqësit të apelojnë për ndihmë nga jashtë. Deri më tani, Austria, Polonia dhe Hungaria kanë rënë dakord të çojnë staf mjekësor në Sllovaki.

Në javën që përfundoi më 7 shkurt, niveli i incidencës shtatë-ditore të vendit qëndroi në 519 raste për 100,000 banorë.

Hungaria

Në Hungari, ku një rënie e qëndrueshme e infeksioneve të përditshme dhe vdekjeve nga dhjetori ndryshoi rrjedhën në fillim të këtij muaji, tani ekziston frika e një rritje të re edhe kur vendi filloi të marrë dërgesat e vaksinave ruse dhe kineze.

Kufizimet në vend përfshijnë një shtetrrethim natën, tubimet publike janë të ndaluara, eventet familjare janë të kufizuara në 10 persona dhe maskat  janë të detyrueshme në vendet publike.

Polonia

Ministri i Shëndetësisë, Adam Niedzielski tha të premten se vendi “po hyn përsëri në një situatë krize”.

Ai zbuloi se rasti i parë i variantit të Afrikës së Jugut ishte konfirmuar në Poloni. Ai gjithashtu zbuloi se 10 përqind e të gjitha rasteve tani përfshijnë variantin britanik.

“Sjellja e përgjegjshme është thelbësore”, u shpreh ai.

Më shumë se 1.5 milionë raste pozitive janë konfirmuar në këtë shtet që nga fillimi i pandemisë./Euronews/

---- ----
----
----- ----
-----