Ballina Lajme nacionale Thaçi takoi diplomatin amerikan Philip Reeke, vlerësohet roli amerikan në Kosovë

Thaçi takoi diplomatin amerikan Philip Reeke, vlerësohet roli amerikan në Kosovë

32
SHPËRNDAJE

Thaçi thotë se angazhimi amerikan në procesin e dialogut është garancë për Kosovën.

Presidenti i Republikës së Kosovës, Hashim Thaçi, në margjinat e forumit ndërkombëtar GlobSec në Bratislavë, takoi diplomatin amerikan Philip Reeker, zëvendës sekretar i shtetit për Evropë dhe Euroazi, me të cilin bisedoi për vazhdimin e dialogut në mes të Kosovës dhe Serbisë.

Presidenti Thaçi dhe diplomati Reeker diskutuan për mundësinë e arritjes së një marrëveshje ndërmjet Kosovës dhe Serbisë.

“Është proces i vështirë, por ende besoj që mund të arrijmë një marrëveshje paqësore, finale e gjithëpërfshirëse”, u shpreh Presidenti Thaçi.

Nga ana tjetër, Philip Reeker, u pajtua për nevojën e vazhdimit të dialogut dhe për mundësinë e arritjes së një marrëveshjeje gjithëpërfshirëse.

Presidenti Thaçi ka theksuar se angazhimi amerikan në këtë proces është garancë për Kosovën.

“Angazhimi amerikan është besim dhe garancë për Kosovën në procesin e dialogut”, ka thënë presidenti Thaçi.

-----