Ballina Lajme Bota/Rajoni Të dy prindërit iu infektuan, 15-vjeçari shpik orën kundër Covid-19: Jam krenar…

Të dy prindërit iu infektuan, 15-vjeçari shpik orën kundër Covid-19: Jam krenar…

218
SHPËRNDAJE

Ne e prekim fytyrën për shumë arsye, në mënyrë të vetëdijshme apo edhe kur nuk e ke mendjen. Madje ky akt mund të jetë edhe si qetësues në kohë stresi.

Por në mes të kësaj pandemie, një zakon i tillë i zakonshëm mund të kthehet shpejt fatale, pasi me duart tona mund të transferojmë mikrobet nga sipërfaqet e ndotura në sytë, veshët, hundën apo gojën tonë.

Kjo është ajo që frymëzoi 15-vjeçarin, Max Melia, nga Mbretëria e Bashkuar për të shpikur Vybpro. Kjo e fundit është një orë që mund të ndihmojë njerëzit të ndalojnë prekjen e fytyrës së tyre dhe ndoshta kontraktimin e Covid-19.

“Duke e parë këtë pandemi teksa jepej nëpër lajme, ishte i qartë dhe shkatërrues efekti që ka pasur në jetët e njerëzve në të gjithë botën. Megjithatë, vetëm kur të dy prindërit e mi u infektuan, e kuptova se me çfarë po përballeshin”, tha djali për CNN.

Ora punon me njohjen e gjesteve që janë të lidhura me lëvizjet e duarve drejt fytyrës. Falë teknologjisë me të cilën është ndërtuar, ajo dridhet sa herë që personi që e ka vënë çon duart drejt fytyrës.

Ideja për krijimin e kësaj ore ka lindur në vitin 2018, teksa Max dhe nëna e tij, Natalie Melia, po diskutonin për mënyrat për të parandaluar gripin dhe të ftohtin. Por kur pandemia e koronavirusit filloi të përhapej me shpejtësi në mbarë botën dhe numri i vdekjeve po rritej, adoleshenti u frymëzua që të merrej me krijimin e orës.

“E dija që kjo ishte hera e parë që duhej ta provoja dhe të bëja ndryshime. Duhej të isha i përkushtuar, duke përdorur kohën time me mençuri. Jam krenar për vendin ku jemi, por e di që për të kapërcyer pengesën përfundimtare do të marrë edhe më shumë kohë”, ka thënë ai.

Duke përdorur punën e konceptit dhe hulumtimet që babai i tij, Richard Melia, mblodhi në fillim të vitit, Max bashkëpunoi me një projektues, produkti i cili ishte shpejt në gjendje të prodhojë një prototip pune dhe një prototip kozmetik të versionit përfundimtar të pajisjes.

Ora përmban një brez silikoni të papërshkrueshëm nga uji dhe dizajn pod të mbyllur, për të lejuar rezistencën e ujit, përfshirë djersën, shiun dhe larjen e duarve.

Max ka nisur një fushatë për të mbledhur 74 mijë dollarë, për të përfunduar prodhimin e orës e më pas ta nxjerrë në treg. Deri tani ai ka arritur që të bëjë 15 mijë dollarë.