Ballina Lajme nacionale Skenari për ‘katastrofë humanitare’ në veri, reagon ashpër kryeministri Haradinaj

Skenari për ‘katastrofë humanitare’ në veri, reagon ashpër kryeministri Haradinaj

25
SHPËRNDAJE

Beogradi po përgatit një skenar për “katastrofë humanitare’ në veri të Kosovës. ndaj këtyre përpjekeve ka reaguar kryeministri i Kosovës, Ramush Haradinaj.

Këto përpjekje ai i ka quajtur të papranueshme dhe të dënueshme nga ana e zyrtarëve dhe afaristëve serbë në veri.

Kryeministri Haradinaj ka thënë se edhe Qeveria e Kosovës është e informuar për këtë plan që po përgatitet nga njerëz të caktuar atje, derisa ka theksuar se nuk do të qëndrojnë duarkryq përballë këtyre tendencave.

Ja postimi i plotë:

Përpjekjet nga akterë të ndryshëm, zyrtarë dhe afaristë serbë në Veri të Mitrovicës të koordinuar me Beogradin zyrtar, për të paraqitur katastrofë humanitare në këtë pjesë të Kosovës janë të papranueshme dhe të dënueshme.

Boshatisja e dyqaneve, ku nuk gjenden as artikuj elementarë me prejardhje nga Serbia, është plani që po përgatitet nga njerëz të caktuar në veri, për të cilën Qeveria e Kosovës është e informuar.

Në bazë të këtyre informatave, mësohet se pjesë e organizimit të këtij plani janë Radosh Petroviq, Goran Vllashkoviq, Bojan Jakshiq – Cojo, Sllavisha Staniq, Radulle Steviq.

Sipas burimeve të mekanizmave të sigurisë së Kosovës, ky organizim do të asistohet me logjistikë dhe forma tjera edhe nga organizata e ashtuquajtur ‘Civilna Zastita’ në veri, e cila udhëhiqet nga Stevo Paviçeviq.

Ne nuk do të qëndrojmë duarkryq përballë këtyre tendencave për destabilizim dhe ftojmë kryetarët e komunave në veri dhe qytetarët të mos bien pre e këtyre provokimeve.

-----