Ballina Lajme Bota/Rajoni Shkup/ Kryemyftiu shpall të vdekur koronavirusin

Shkup/ Kryemyftiu shpall të vdekur koronavirusin

81
SHPËRNDAJE

Besimtarët myslimanë festojnë sot Fitër Bajramin. Ndryshe nga vitet e kaluara, ky Bajram festohet në kohë të pandemisë dhe ndalesës për lëvizjen e lirë. Nëpër xhamitë e vendit u fal vetëm namazi i Bajramit, 15 minuta. Edhepse nuk pati manifestim qendror, kreu I BFI-së Sulejman Rexhepi u paraqit në xhaminë Mustafa Pasha, madje për ta shpallur të vdekur koronavirusin.

“Dhashtë Zoti që në kushte edhe më të mira më të volitshme dhe me fitoren tonë mbi të keqen. E keqja ndërkombëtare që tronditi tërë globin, mbarë njerëzinë në botë ishte Koronavirusi, pandemia COVID 19 të cilën unë besoj se e kemi mundur. Unë kam bindje se e kemi fituar dhe prej këtij momenti mund ta shpalli të vdekur një herë e përgjithmonë”, tha Rexhepi.

Në xhaminë ku Bajramin e fali edhe kreu i BFI-së, besimtarët respektuan masat brenda dhe në oborr.

Në Xhaminë e Bedrit në Butel namazi i Bajramit u fal sipas rregullave, 15 minuta. Para se të fillonte namazi, besimtarët të grumbulluar prisnin përpara xhamisë, shumica prej tyre madje pa përfillur jo vetëm rekomandimin për distancë por as për mbajtje të maskave. Alsat TV

-----