Reali dhe Barça në duel për yllin e Interit

Futbolli është pezulluar, por klubet evropiane po mendojnë për përforcimet për sezonin e ardhshëm.

Kohët e fundit kanë qarkulluar lajme se Liverpuli interesohet për mesfushorin e Interit, Marselo Brozoviç. Megjithatë nuk janë vetëm anglezët në gjurmët e lojtarit kroat.

Sipas asaj që shkruan “Sportske Novosti”, për Brozoviç interesohen edhe Real Madridi dhe Barcelona,  që e pëlqejnë shumë futbollistin dhe do të përpiqen ta marrin në ekipet e tyre.

Nga ana tjetër, Interi nuk dëshiron të heqë dorë nga shërbimet e mesfushorit, por nëse vjen një ofertë e majme, atëherë zikaltërit do ta rishikonin pozicionin e lojtarit të tyre.

Gjithçka ngelet për tu parë në muajt në vazhdim, ndërsa klubet po bëjnë llogaritë e tyre.