Ballina Lajme nacionale Psikologu Uka aderon në Vetëvendosje

Psikologu Uka aderon në Vetëvendosje

52
SHPËRNDAJE

Fitim Uka, që nga sot do të jetë pjesë e subjektit politk Vetëvendosje.

Kryetari i Lëvizjes Vetëvendosje, Albin Kurti përmes një postimi në Facebook ka lajmëruar që psikologu i njohur, Fitim Uka i është bashkangjitur partisë së tij.

Uka sot u takua me Kurtin dhe deputetin, Shemsi Syla, shkruan Indeksonline.

Fitim Uka, është ligjërues i Psikologjisë në Universitetin e Prishtinës, themelues i Qendrës për Hulumtime Psiko-Sociale e Mjekësore.

Më poshtë keni postimin e plotë të Albin Kurtit:

Fitim Uka është 32 vjeç dhe i ka kryer studimet e doktoraturës në Universitetin e Freiburgut në Gjermani ndërkaq studimet e post-doktoraturës në Universitetin e Illinois në ShBA. Paraprakisht, studimet bazike për psikologji i ka mbaruar në Fakultetin Filozofik të Universitetit të Prishtinës kurse studimet master në Universitetin Ludvig Maximilian të Munichut.

Sot ai na u bashkua në VETËVENDOSJE!, ku e mirëpritëm bashkë me deputetin e Lëvizjes, Shemsi Syla.

Fitim Uka, është ligjërues i Psikologjisë në Universitetin e Prishtinës, themelues i Qendrës për Hulumtime Psiko-Sociale e Mjekësore, si dhe botues i revistës psikologjike “Psika”.

Uka numëron mbi 50 paraqitje në konferenca të ndryshme shkencore brenda e jashtë vendit dhe dhjetëra publikime shkencore në revista të njohura ndërkombëtare.

Fitimi i ka tashmë shumë miq e kolegë, e po aq edhe studentë e ish studentë të tij që e prisnin në Lëvizje, praninë dhe dijen dhe kontributin e tij.

-----