Ballina Lajme nacionale PSD mbetet pa përfaqësim në Kuvend, nëse Nisma e kalon pragun

PSD mbetet pa përfaqësim në Kuvend, nëse Nisma e kalon pragun

12
SHPËRNDAJE

Nëse Nisma e kalon pragun, PSD mbetet pa përfaqësim në Kuvend.

Nëse koalicioni i Nisma-AKR-PD përfundimisht e kalon pragun, siç po pretendon pas vendimit të fundit të PZAP-së për refuzimin e votave të ardhura me postë nga Serbia, PSD-ja përfundimisht mbetet pa përfaqësim në Kuvendin e Kosovës.

Grupi i 12 deputetëve që u nda nga Vetëvendosje për të “riformatizuar” PSD-në, në zgjedhjet e 6 tetorit iu bashkua Aleancës për Ardhmërinë e Kosovës, me 25 emra në listën e përbashkët.

Nga të gjithë, vetëm Natyra Kuçi, bazuar në kuotën gjinore, arriti që të kalojë pragun për t’u bërë deputete, sipas shpalljes së rezultateve nga ana e Komisionit Qendror të Zgjedhjeve.

Por kur me anulimin e votave nga Serbia, Nisma pritet që të kalojë pragun, i bie që Kuçi të humbë ulësen në Kuvend.

Pa Nisma-AKR-PD në Kuvend, koalicioni AAK-PSD kishte 14 deputetë, 5 prej të cilëve, në bazë të kuotës gjinore, detyrohej që të ishin gra. Formula Saint-Lague, me të cilën Ligji për Zgjedhje i Kosovës i ndan ulëset në Kuvendin e Kosovës nënkupton që nëse Nisma-AKR-PD marrin 6 ulëse një nga to i merret koalicionit AAK-PSD.

-----