Ballina Lajme nacionale Presidenti Thaçi refuzoi ftesën e Dodikut për të shkuar në Sarajevë

Presidenti Thaçi refuzoi ftesën e Dodikut për të shkuar në Sarajevë

13
SHPËRNDAJE

Mediat bosnjake raportojnë se Hashim Thaçi refuzoi ftesën e Dodikut për të shkuar në Sarajevë.

Sipas një portali boshnjak, Presidenti i Kosovës, Hashim Thaçi e ka refuzuar ftesën e Milorad Dodik për të shkuar në Sarajevë. Dodik, i kishte bërë ftesë Thaçit për të shkuar në Samitin për Procesin e Bashkëpunimit në Evropën Juglindore.

Sipas portalit të Bosnjës dhe Hercegovinës, “Klix.ba”, Presidenti i Kosovës Hashim Thaçi e ka refuzuar ftesën e Milorad Dodik, Presidenti i “Republika Srpska”-s në Bosnje.

Sipas burimeve të mediumit, thuhet se Thaçi e ka refuzuar ftesën për shkak se Bosnja nuk e ka njohur pavarësinë e Kosovës.

Samiti për Procesin e Bashkëpunimit në Evropën Juglindore, ose SEECP, fillon më 8 korrik. Aty, është planifikuar se do të ketë takime mes ministrave dhe presidentëve nga Evropa Juglindore.

Deri tani, sipas mediumit, ftesën për të marrë pjesë në këtë Samit e kanë konfirmuar presidenti i Turqisë, Recep Tayyip Erdogan, Presidenti i Malit të Zi, Milo Gjukanoviq dhe Presidenti i Shqipërisë, Ilir Meta.

-----