Ballina Lajme nacionale Prangoset shtetasja serbe në Gjilan, bënte vozitje të rrezikshme e dehur

Prangoset shtetasja serbe në Gjilan, bënte vozitje të rrezikshme e dehur

46
SHPËRNDAJE

Shtetasja serbe prangoset në Gjilan, bënte vozitje të rrezikshme e dehur.

Policia në Gjilan ka njoftuar se kanë prangosur një shtetase serbe, që sipas informacioneve po bënte vozitje të rrezikshme dhe të pakontrolluar, raporton Express.

Përmes një komunikate për media, u bë e ditur se dje rreth orës 16:00, policia ka pranuar një informacion se një veturë e llojit “Pezho” me targa RKS, bënte vozitje të rrezikshme dhe të pa kontrolluar.

Sipas informacioneve vetura ishte duke lëvizur në rrugën magjistrale Gjilan-Prishtinë, në afërsi të fshatit Llajshec.
Policia e Kosovës, me njësitet e trafikut rajonal kanë ndërmarr veprimet e menjëhershme ku kanë arrit ta identifikojnë dhe njeherit ta ndalojnë veturën në fjalë të cilën e drejtonte vozitësja femër Serbe Shtetase e Kosovës.

“Nga zyrtarët policor të cilët i janë përgjigjur rastit është vërejtur se vozitësja ka tregu shenja se ishte nën ndikim të alkoolit, ishte jo stabile dhe me sjellje të pakontrolluara, dhe njëkohësisht pa ndërprerë ka fyer dhe ofenduar zyrtarët policor, për të cilat PK-ja posedon dëshmi. Për shkaqe sigurie të vetë vozitëses dhe pjesëmarrësve tjerë në trafik, Policia e Kosovës konform procedurave ligjore ka tërhequr automjetin nga qarkullimi rrugor, ndërsa vozitësja është dërguar në stacionin policor në Gjilan për të vazhduar me procedurat e mëtutjeshme ligjore”, shkruhet në komunikatë, derisa, bëhet e ditur se edhe gjatë qëndrimit në stacion policor ku vazhduar me sjellje të njëjta dhe ka refuzuar në mënyrë kategorike ti nënshtrohet kontrollit të Alkootestit.

“Policia e Kosovës lidhur me këtë rast ka njoftuar prokurorin kompetent dhe ndaj të njëjtës (vozitëses) ka shqiptuar gjobën në bazë të Ligjit 05/L-088 të nenit 245 paragrafi 1.1, të ligjit mbi trafikun rrugor”, thuhet në njoftim.

-----