Ballina Lajme nacionale Policia shton gjobat, penalizohen 2986 qytetarë që shkelën masat Anti-COVID

Policia shton gjobat, penalizohen 2986 qytetarë që shkelën masat Anti-COVID

20
SHPËRNDAJE
- Sponsor gjeneral -
Lajmi i Fundit
Policia shton gjobat, penalizohen 2986 qytetarë që shkelën masat Anti-COVID

Policia e Shtetit ka rritur ndjeshem kontrollet dhe gjobat ndaj personave qe nuk mbajne maskat dhe qe shkelin protokollet anti-COVID.

Konkretisht kete fundjave qe kaloi, policia ka ndeshkuar 2986 qytetare me gjoba per mosmbajtje te maskes dhe shkelje te fashave orare per ndalimin e levizjes.

Njoftimi i policise:
Gjatë fundjavës, shërbimet e Policisë kanë evidentuar dhe ndëshkuar me masë administrative, 2986 shtetas që nuk zbatuan masat anticovid, 2958 prej tyre për mosvendosjen e maskës mbrojtëse.

Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, vijojnë kontrollet në të gjithë vendin, për të monitoruar zbatimin e masave për parandalimin e përhapjes së COVID-19.

Gjatë fundjavës, Patrullat e Përgjithshme kanë evidentuar dhe ndëshkuar me masë administrative 3.000 lekë, 2428 shtetas që janë konstatuar pa maskat mbrojtëse.

Shërbimet e Policisë Rrugore kanë ndëshkuar me të njëjtën masë administrative, 530 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskat mbrojtëse.

Gjatë kontrolleve në fundjavë, shërbimet e Policisë kanë konstatuar 4 subjekte që ushtronin aktivitetin në kundërshtim me protokollet e sigurisë: 1 në Tiranë, 2 në Elbasan dhe 1 në Sarandë. Për administratorin e secilit subjekt është vendosur masa administrative 1.000.000 lekë.

Gjithashtu, në të gjithë vendin janë ndëshkuar me masë administrative 10.000 lekë, 24 shtetas që janë konstatuar duke lëvizur në këmbë pas orës 20:00.

Në zbatim të masave anticovid, Policia e Shtetit apelon për të gjithë qytetarët dhe drejtuesit e mjeteve që të respektojnë orën policore, të vendosin maskën dhe të ruajnë distancimin social, ndërsa subjektet tregtare, lokalet dhe restorantet të respektojnë protokollet e sigurisë dhe orarin e mbylljes, me qëllim parandalimin e përhapjes së COVID-19.

Policia shton gjobat, penalizohen 2986 qytetarë që shkelën masat Anti-COVID
Klodian Bereti

---- ----
----
----- ----
-----