Ballina Lajme nacionale Policia prangosi drejtorin e Infrastrukturës në komunën e Drenasit

Policia prangosi drejtorin e Infrastrukturës në komunën e Drenasit

14
SHPËRNDAJE

Policia e Kosoës ka prangosur drejtorin e Infrastrukturës në komunën e Drenasit nën dyshimin e keqpërdorimit të komunës.

Kjo është bërë e ditur përmes një komunikate për media ku janë treguar edhe arsyet e ndaljes së tij.

“Policia e Kosovës me njësitë relevante për hetimin e krimit ekonomik dhe korrupsionit në rajonin e Prishtinës, me autorizim edhe të Prokurorisë kompetente, bazuar në informacionet e pranuara për keqperdorime të mundshme në komunën e Drenasit, pas hetimeve disa mujore ka ndermarr veprimet e nevojshme hetimore dhe ka rezultuar se, i dyshuari me iniciale (I.H) drejtor i Infrastrukturës në komunën e Drenasit, për interesa personale dhe të kompanisë së tij (kompani për ndertimin e objekteve banesore) ka keqperdorur pozitën apo autoritetin zyrtar”, thuhet në njoftim.

Pas ndermarrjes së veprimeve hetimore të nevojshme, sigurimin e dëshmive, intervistimin e palëve dhe intervistimin e personit të dyshuar me iniciale të lartpërmendura (I.H), i njëjti është prangosur dhe me vendim të prokurorit kompetent dërgohet në mbajtje prej 48 orësh për procedura të mëtejme.

-----