Ballina Sport Po Andi Lila, a ka turp?

Po Andi Lila, a ka turp?

26
SHPËRNDAJE

Një nga lojtarët më të dobët të Kombëtares shqiptare Andi Lila, ditët e fundit ka qenë në qendër të vëmendjes për shkak se e kanë larguar nga fusha e Kavajës ku po jepte një intervistë.

Ashtu si një lojtarë i dobët në fushë, Lila e ka nisur me të njëjtën mënyrë dhe aventurën e tij të re, përfshirjen në politikë.

Pas largimit nga fusha, Lila dhe mediat e opozitës në akuzat dhe sulmet e tyre kanë përmendur shumë herë fjalën, Turp.

Po Andi Lila vetë, a ka turp?

Lila është një emër që është propozuar si kandidat për deputet i Partisë Demokratike për qytetin e Kavajës, dhe njëkohësisht është dhe kryetar i Sindikatës së Futbollistëve shqiptar.

A nuk është turp që një Sindikatë që duhet të jetë tërësisht e pavarur, ka sot për kryetar një njeri politik?

A nuk është e turpshme politizimi i kësaj Sindikate, që me një njeri politik në krye e ka humbur mision e saj?

Andi Lila është një nga njerzit me të afërt të presidentit të Federatës Shqiptare të Futbollit, Armand Dukës. Biles ndaj këtij të fundit ka dhe akuza se është njeriu që ka ideuar krijimin e Sindikatës dhe ka emëruar Lilën në krye të saj.

Sindikata e Futbollistëve që drejton Andi Lila duhet të jetë kundërshtarja më e fortë e FSHF-së dhe kreut të saj, por që deri më tani ka ndodhur e kundërta. Jo vetëm që nuk e kundërshtojnë, po mbështesin çdo iniciativë të FSHF-së që është sidomos kundër qeverisë.

A nuk është turpshme kjo, që Sindikata e “pavarur” e Lilës t’i bëjë fresk FSHF-së?

Majde Lila e ka quajtur dhe Mbret, kreun e FSHF-se.

Sindikata e Futbollistëve, është një sindikatë të cilin Andi Lila vetë e “krijuar”, vetë është emëruar kryetar, vetë ka caktuar zv.kryetarin, vetë ka caktuar sekretarin e përgjithshëm, që që të gjithë janë miqtë e tij të ngushtë.

Të gjitha këto janë bërë pa votim. A nuk është e turpshme kjo?

Ndaj, para se të përmend fjalën turp, duhet të shohë njëherë tek vetja se sa i ndershëm është tek veprimet që ka bërë.

Edhe politikës i ka hyrë pa simpatinë e mbështetsve të PD-së, të cilët në votimin në Kavajë emri që ka marrë më shumë vota kundër ka qenë i Andi Lilës.

Më mirë le të shijojë elozhet e Bashës që në mënyrë qesharake e cilësoi si “yll” të futbollit, edhe pse nuk i vihet shumë faj, se nuk është se ka ndjekur ndonjëherë ndeshje se ato luhen në mbrëmje, orar jo i përshtashëm për kreun e opozitës. (TemA)

-----