Ballina Lajme Bota/Rajoni Plas dhuna në Francë, policia përleshje të ashpra me zjarrfikësit (FOTOT)

Plas dhuna në Francë, policia përleshje të ashpra me zjarrfikësit (FOTOT)

20
SHPËRNDAJE

Policia franceze u përlesh me zjarrfikësit që protestuan në Paris me kërkesën për rritjen e pagave dhe përmirësimin e kushteve të punës. Mijëra zjarrëfikës morën pjesë në tubimin e organizuar në kryeqytetin francez, duke kërkuar, për shkak të rrezikut në punë, një rritje të bonusit të tyre i cili nuk ka ndryshuar që nga viti 1990.

Por forcat e rendit kanë ndërhyrë ashpër. Policia përdori gazin lotsjellës e qëlloi disa protestues me shkopinj gome. Zjarrëfikësit kishin organizuar protesta edhe në tetor 2019, me të njëjtat kërkesa. Franca është përballur me trazira të gjera që nga dhjetori, pasi sindikatat janë mobilizuar kundër planeve të presidentit, Emmanuel Macron, për të reformuar sistemin e pensioneve.

Sindikatat ankohen se reforma e tillë do të kërkojë nga miliona punëtorë që të punojnë përtej moshës së pensionit ligjor, 62 vjeç, ose do të përballen me pensione të zvogëluara.

-----