Ballina Lajme nacionale Plagosen dy vëllezër në Shkodër, policia jep detajet

Plagosen dy vëllezër në Shkodër, policia jep detajet

14
SHPËRNDAJE
- Sponsor gjeneral - -------
Dy vëllezërit e plagosur mbrëmjen e sotme me armë zjarri në fshatin Bardhaj të Shkodrës janë jashtë rrezikut për jetën. Policia njofton se Marjan dhe Hot Doçi janë dërguar në spital për ndihmë mjekësore.

Në vendin e ngjarjes kanë mbërritur forca e policisë Shkodër, “Shqiponjat” dhe sektori kundër krimeve. FNSH po bën krehjen e zonës për të kapur autorët e plagosjes së dyfishtë.

“Rreth orës 19.45, në fshatin Bardhaj, në rrethana ende të paqarta janë plagosur me armë zjarri dy vëllezërit M.D., 23 vjeç dhe H.D., 30 vjeç, të cilët janë transportuar në spital për ndihmë mjekësore, jashtë rrezikut për jetën.

Menjëherë në vendngjarje kanë shkuar shërbimet e Komisariatit të Policisë Shkodër, forcat Shqiponja dhe ato të Sektorit Kundër Krimeve ndaj Personit në DVP Shkodër.

Në ndihmë të Policisë Vendore kanë shkuar edhe grupe të FNSH Shkodër , me qëllim rrethimin e zonës dhe krehjen e saj për të bërë të mundur kapjen e autorëve.

Grupi hetimor nën drejtimin e Prokurorisë së Rrethit Gjyqësor Shkodër po vijon veprimet për sekuestrimin e çdo prove që do ti shërbejë zbardhjes së ngjarjes, identifikimit dhe kapjes së autorëve”, njofton policia./mv.abcnews.al

The post Plagosen dy vëllezër në Shkodër, policia jep detajet appeared first on Abc News.

---- ----
-----