Ballina Sport “Peticion për drejtorin e televizionit”, partia katalanase reagon pas gjesteve injoruese ndaj...

“Peticion për drejtorin e televizionit”, partia katalanase reagon pas gjesteve injoruese ndaj Kosovës

102
SHPËRNDAJE
- Sponsor gjeneral -
Mbrëmjen e djeshme Kosova luajti në Sevilje ndaj Spanjës, ku u mund me shifrat 3-1. Përtej kësaj gjatë ndeshjes u regjistruan disa momente aspak të hijshme, duke mos respektuar simbolet dhe emrin e Kosovës dhe i injoruar ato.

Televizioni Kombëtar i Spanjës ditën e djeshme në tabelën e rezultatit të ndeshjes inicialet e Kosovës i vendosi me shkronja të vogla (kos), ndryshe nga të Spanjës (ESP). Ky gjest ka ngjallur një reagim nga ana e deputetes katalanase, Miriam Nogueras.

Ajo është deputete në parlamentin e Spanjës nën siglën e partisë Junts per Catalunya, e cila lobon vazhdimisht për pavarësinë e Katalunjën dhe ndarjen përfundimtare nga Spanja. Nogueras ka reaguar në lidhje me atë detaj domethënës dhe shprehet se po bën një peticion për të thirrur drejtorin e televizionit për të dëshmuar në parlament.

“Duke pasur parasysh mbulimin e njëanshëm të lajmeve të ndeshjes së mbrëmjes, Junts per Catalunya po regjistron një peticion, duke thirrur drejtorin e TV Publik Spanjoll për të dëshmuar përpara Kongresit. Pavarësisht nëse e pëlqen apo jo qeveria spanjolle, Kosova është një vend i lirë dhe i pavarur dhe duhet të trajtohet si i tillë”, shkruan ajo në Tëitter. /abcnews.al

The post “Peticion për drejtorin e televizionit”, partia katalanase reagon pas gjesteve injoruese ndaj Kosovës appeared first on Abc News.

---- ----
-----