Ballina Lajme Bota/Rajoni Përplasja me Greqinë, Erdogan: Shtetet europiane duhet të jenë të drejta për...

Përplasja me Greqinë, Erdogan: Shtetet europiane duhet të jenë të drejta për Mesdheun Lindor

36
SHPËRNDAJE
- Sponsor gjeneral -

Presidenti i Turqisë, Recep Tayyip Erdoğan dhe kancelarja gjermane Angela Merkel zhvilluan një video-konferencë dhe diskutuan çështjet që kanë të bëjnë me Mesdheun Lindor.

Sipas deklaratës nga Drejtoria Turke e Komunikimit, të dy udhëheqësit diskutuan gjithashtu për çështjet dypalëshe dhe rajonale.

Gjatë takimit, Erdogan i tha Merkelit se shtetet europiane duhet të jenë të drejta dhe konsekuente për çështjen e Mesdheut Lindor.

“Mosmarrëveshjet mund të zgjidhen përmes bisedimeve për sa kohë që ekziston një qasje e drejtë ndaj Mesdheut Lindor”, theksoi gjithashtu presidenti turk, Erdogan.

Ai shtoi se Turqia do të vazhdojë të ndjekë politikë aktive për të drejtat e saj.

Në takim gjithashtu morën pjesë edhe ministri i Punëve të Jashtme të Turqisë, Mevlüt Çavuşoğlu, ministri i Mbrojtjes Hulus Akar, kreu i Shërbimit Informativ Turk, Hakan Fidan, Drejtori i Komunikimit, Fahrettin Altun; zëdhënësi presidencial Ibrahim Kalın dhe shefi i kabinetit Hasan Doğan.

Greqia ka kontestuar aktivitetet aktuale të Turqisë në kërkimin e energjisë në Mesdheun Lindor, duke u përpjekur të godasë në territorin detar turk bazuar në ishuj të vegjël pranë bregdetit turk.

Turqia, vend me vijën më të gjatë bregdetare në Mesdhe, ka dërguar anije shpimi për të kërkuar energji në kuadrin e saj kontinental, duke pohuar të drejtat e Ankarasë dhe të Republikës Turke të Qipros Veriore (TRNC) në rajon.

Në mënyrë që të zvogëlojë tensionet, Turqia ka bërë thirrje për dialog për të siguruar ndarjen e drejtë të burimeve.

BE gjithashtu bëri thirrje për negociata midis palëve. Udhëheqësit e BE-së do të diskutojnë për konfliktin, si dhe marrëdhëniet e bllokut me Turqinë gjatë samitit të tyre të jashtëzakonshëm në Bruksel në 24-25 shtator.

Në mënyrë që të përgatitet për takimin e udhëheqësve, Parlamenti Evropian do të miratojë një rezolutë mbi këtë temë këtë javë.

---- ----
----
----- ----
-----