Ballina Lajme Bota/Rajoni Pamjet “tronditëse” nga vendet luksoze në Korenë e Veriut, të ndërtuar “nën...

Pamjet “tronditëse” nga vendet luksoze në Korenë e Veriut, të ndërtuar “nën urdhrat” e Kim Jong-un

51
SHPËRNDAJE

Fotografitë tronditëse zbulojnë një vendpushim luksoz të Koresë së Veriut të ndërtuar “nën urdhrat” e udhëheqësit Kim Jong-un.

Sipas mediave të huaja, diktatori siç duket ka “injoruar” sanksionet globale, të vendosura për mbretërinë hermetike për shkak të armëve bërthamore dhe programit të raketave.

Pamjet thuhet se tregojnë se si vendasit janë duke pushuar në dhjetëra pishina termike, me hapësirat që gjithashtu mburren me terrene për ski dhe pajisje hoteliere, bare, si dhe një palestër.

Sidoqoftë, një ekspert i Koresë së Veriut beson se të vetmit koreanë që përfitojnë do të jenë elitat.

Markus Bell, analist dhe studiues i Koresë së Veriut në Universitetin La Trobe të Australisë, tha se kjo përfaqëson “një sukses tjetër ‘arritjet’ e Kim Jong-un”.

“Duke parë fotot, është befasuese të shohësh se sa të ngjashme duken skenat në shumë vendpushime të Koresë së Jugut”, ka shtuar ai.

Kohët e fundit Koreja e Veriut ka filluar një numër projektesh që shfaqin jetesën luksoze.