Ballina Lajme nacionale Pacolli paralajmëron se së shpejti Tomor Morina do të kthehet në...

Pacolli paralajmëron se së shpejti Tomor Morina do të kthehet në shtëpi

12
SHPËRNDAJE

Pacolli ka thënë se Tomor Morina së shpejti do të kthehet në shtëpi.

Ministri i Punëve të Jashtme i Kosovës, Behgjet Pacolli, ka paralajmëruar se së shpejti ish-pjesëtari i Ushtrisë Çlirimtare të Kosovës, Tomor Morina, do të kthehet në shtëpi.

Nëpërmjet një shkrimi në llogarinë e tij, në rrjetin social Facebook, në internet, Pacolli thotë se është i lumtur që gjyqësori në Maqedoninë e Veriut ka vendosur kundër ekstradimit të tij në Serbi.

“Jam i lumtur që Tomor Morina fitoi betejën e parë të gjyqësorit në Maqedoninë e Veriut për të kundërshtuar kërkesën serbe për ekstradim. Ne besojmë fuqimisht në punën profesionale të autoriteteve të Maqedonisë së Veriut dhe lidhjen e miqësisë që kanë vendet tona. Shumë shpejt ai do të kthehet në shtëpi te familja dhe miqtë e tij dhe u bëj thirrje të gjithëve të jenë të durueshëm”, ka thënë Pacolli.

-----