Ballina Lajme nacionale Organizonin ‘lojëra të fatit’ në mënyrë të kundërligjshme, prangosen dy persona në...

Organizonin ‘lojëra të fatit’ në mënyrë të kundërligjshme, prangosen dy persona në Viti

17
SHPËRNDAJE
- Sponsor gjeneral -

Gjatë ditës së sotme janë prangosur dy persona për shkak se organizonin ‘lojëra të fatit’ në mënyrë të kundërligjshme.

Njësiti i Hetimeve Kundër Krimeve Ekonomike dhe Korrupsionit në Gjilan, ka pranuar informata nga njësitet policore, ku dyshohej se në disa lokacione në Viti janë duke u organizuar ‘lojëra të fatit’ në mënyrë të kundër ligjshme.

----

Policia, ka siguruar nga gjykata urdhër kontroll, i cili u zbatua ditën e djeshme me qëllim të identifikimit të personave dhe lokacioneve ku zhvilloheshin këto lojëra.

Kontrolle janë kryer në 12 lokacione. Në dy nga këto lokacione policia ka konfiskuar dëshmi relevante dhe ka arrestuar dy të dyshuar:

P.H. viti i lindjes 1978 f.k.sh dhe

G.A. viti i lindjes 1996 m.k.sh.

“Kurse, si dëshmi relevante në lokacionin ku është prangosur e dyshuara e parë, janë konfiskuar: pesë shtëpiza kompjuteri, një printer që ka shërbyer për lojëra të fatit ‘Keno, Racing Dogs dhe Bastore’, kurse në lokacionin ku është prangosur i dyshuari i dytë janë konfiskuar: dy shtëpiza kompjuteri, një printer që ka shërbyer për lojëra të fatit ‘Keno dhe Racing Dogs’”, thuhet në njoftimin për media.

Me aktvendim të prokurorit kujdestar që të dy të dyshuarve u është shqiptuar masa e ndalimit prej 48 orëve

----- ----