Ballina Lajme Bota/Rajoni OBSH: Pandemia nuk do të marrë fund brenda këtij viti

OBSH: Pandemia nuk do të marrë fund brenda këtij viti

29
SHPËRNDAJE
- Sponsor gjeneral -
Drejtori i urgjencave të OBSH-së, Dr. Michael Ryan, tha se megjithatë mund të jetë e mundur që të lehtësohet kriza e koronavirusit duke ulur shtrimet në spital dhe vdekjet,  virusi është ende mes nesh shtoi ai, veçanërisht duke pasur parasysh se numri i rasteve të reja globale u rrit javën e kaluar pas gjashtë javësh rresht që ishte në rënie.

“Do të jetë shumë e parakohshme dhe mendoj joreale, të mendojmë se do t’i japim fund këtij virusi deri në fund të vitit,” tha Ryan .

“Por mendoj se mund t’u japim fund, nëse përpiqemi të gjithë, shtrimeve në spital, vdekjeve dhe tragjedisë së lidhur me këtë pandemi.”

Numri i infeksioneve të reja globale u rrit javën e kaluar për herë të parë në pothuajse dy muaj. Rastet e raportuara u rritën në katër nga gjashtë rajonet e OBSH-së: Amerika, Europa, Azia Jug-Lindore dhe Mesdheu Lindor.

“Kjo është zhgënjyese, por jo për t’u habitur. Ne jemi duke punuar për të kuptuar më mirë këto rritje të transmetimit.

Disa prej tyre duket se janë për shkak të lehtësimit të masave të shëndetit publik, qarkullimit të vazhdueshëm të varianteve dhe njerëzve që nuk respektojnë masat,” tha drejtori i përgjithshëm i OBSH-së, Dr. Tedros Adhanom Ghebreyesus.

---- ----
----
-----
-----