Ballina Teknologji “Nuk ka parajsë ose jetë të përtejme për kompjuterat e prishur”, disa...

“Nuk ka parajsë ose jetë të përtejme për kompjuterat e prishur”, disa citime nga Stephen Hawking

14
SHPËRNDAJE
- Sponsor gjeneral -
Lajmi i Fundit
“Nuk ka parajsë ose jetë të përtejme për kompjuterat e prishur”, disa citime nga Stephen Hawking

Stephen William Hawking ishte një fizikant teorik anglez, kozmolog dhe drejtor i kërkimit në Qendrën për Kozmologjinë Teorike në Universitetin e Kembrixhit . Këtu janë disa nga citimet e tij më të mëdha:

“Për miliona vjet, njerëzimi jetoi ashtu si kafshët. Pastaj ndodhi diçka që nxori fuqinë e imagjinatës sonë. Mësuam të bisedonim dhe mësuam të dëgjonim. Fjalimi ka lejuar komunikimin e ideve, duke i dhënë mundësi qenieve njerëzore të punojnë së bashku për të ndërtuar të pamundurën.

Arritjet më të mëdha të njerëzimit kanë ardhur duke folur, dhe dështimet e saj më të mëdha duke mos folur. Shpresat tona më të mëdha mund të bëhen realitet në të ardhmen. Me teknologjinë në dispozicion, mundësitë janë të pakufizuara. E tëra çfarë duhet të bëjmë është të sigurohemi që të vazhdojmë të flasim ”.

“Qëllimi im është i thjeshtë. Kuptimi i plotë i universit, pse është ashtu siç është dhe pse ekziston.”

“Unë e konsideroj trurin si një kompjuter i cili do të ndalojë së funksionuari kur përbërësit e tij dështojnë. Nuk ka parajsë ose jetë të përtejme për kompjuterat e prishur; kjo është një histori zanash për njerëzit që kanë frikë nga errësira.”

“Unë besoj se shpjegimi më i thjeshtë është, nuk ka Zot. Askush nuk e krijoi universin dhe askush nuk e drejton fatin tonë. Kjo më çon në një kuptim të thellë që ndoshta nuk ka as parajsë dhe as jetë të përtejme. Ne kemi këtë një jetë për të vlerësuar modelin madhështor të universit dhe për këtë, unë jam jashtëzakonisht mirënjohës.”

“Mos harroni të shikoni yjet lart dhe jo poshtë këmbëve tuaja. Mundohuni të kuptoni atë që shihni dhe të pyesni veten për atë që e bën universin të ekzistojë. Jini kuriozë. Dhe sado e vështirë të duket jeta , gjithmonë ka diçka që mund të bësh dhe të kesh sukses. Ajo që ka rëndësi është thjesht të mos hiqni dorë. “

“Pritjet e mia u ulën në zero kur isha 21 vjeç. Çdo gjë që nga atëherë ka qenë një bonus.”

“Njerëzit që mburren me IQ-në e tyre janë dështak.”

“Kam jetuar me perspektivën e një vdekje të hershme për 49 vitet e fundit. Nuk kam frikë nga vdekja, por nuk jam duke e nxitur veten për të vdekur. Kam  shumë gjëra që dua të bëj së pari.”

“Ne jemi thjesht një racë e përparuar e majmunësh në një planeti të vogël të një ylli mesatar. Por ne mund t’a kuptojmë Universin. Kjo na bën diçka shumë të veçantë ”./lajmifundit.al

“Nuk ka parajsë ose jetë të përtejme për kompjuterat e prishur”, disa citime nga Stephen Hawking
Zenilda Beqaj

---- ----
----
----- ----
-----